Bragdy'r Werddon

Sefydlwyd yn 1856 gan William a John Jones o Fferm Caia (nawr yn dafarn). Roedd eu mam yn fragydd ac fe basiodd ei chrefft i’w mab John. Roedd gan y Werddon fragdy 16 chwarter a 32 chwarter o fragu (mae 8 bwysel o haidd yn gyfystyr ag un chwarter a fyddai’n cynhyrchu 150 galwyn o gwrw fel arfer).

Bu’r brodyr Jones yn rhedeg y bragdy hyd 1905 ac yn bileri’r gymuned leol. Talodd eu hymddiriedolaeth elusennol am hanner Ysbyty Goffa Wrecsam a Dwyrain Sir Ddinbych yn dilyn yr Ail Ryfel Byd (gweler Taith Hanesyddol Wrecsam). Yn 1931, cyfundoddodd Bragdy’r Werddon â dau fragdy lleol arall i ffurfio Border Breweries. Daeth adeiladau’r bragdy yn ddim byd mwy na storfa ac, yn ôl y sôn, mae ysbryd yno o’r enw John Jones. Mae’n bur debyg nad oedd yn hapus iawn â thynged ei fusnes. Yn y 1970au, caewyd y safle a dechreuodd adfeilio. Erbyn hyn, troswyd y bragdy’n fflatiau.

Dilynwch y Wenfro, gan groesi pompren, ewch ar hyd ochr adeiladau’r Werddon. Croeswch dros Faes y Bragdy, gan edrych allan i’r dde am Fragdy Mitre ym Mhentre Felin.

Roedd Bragdy Mitre yn bragu rhwng 1868 - 1916. Mae’r bragdy a’i simnai wedi goroesi. Ar y chwith mae’r hen dafarn Old Three Tuns. Symudodd y dafarn yma yn 1896 wedi i’r Old Three Tuns gwreiddiol gael ei dymchwel i wneud lle i reilffordd Ellesmere - Wrecsam.

Pan fyddwch wedi ymuno â’r ffordd, trowch i’r chwith ac ewch ar hyd Glan yr Afon. Edrychwch i’r chwith am adfeilion y warws bond bychan. Roedd gan Wrecsam sawl warws fel hwn yn ystod ei hanterth bragu. Os oes gennych rhywfaint o gyfalaf sbar, helpwch i achub ychydig o dreftadaeth Wrecsam trwy brynu a diogelu’r adeilad hwn.

Ymlaen i Allt y Ficerdy >>

dychwelyd i'r mynegai