Newyddion yr Amgueddfa


Brymbo Bryn, mascot newydd yr Amgueddfa

Braf Eich Cyfarfod

Croeso i Amgueddfa ac Archifdy newydd Bwrdeistref Sirol Wrecsam!

Pa un ai ydych yn ymwelydd rheolaidd neu dyma’ch tro cyntaf, byddwn yn falch o’ch gweld ac am i chi fwynhau eich ymweliad.

Mae digonedd i’w weld yn eich amgueddfa newydd:

  • Oriel newydd yn cynnig cyfle i’r teulu edrych ar gasgliadau’r amgueddfa, mwynhau’r hanesion sydd ganddynt i’w dweud a gweld treftadaeth yr ardal yn fyw ar ffilm
  • Oriel newydd i arddangos casgliadau cenedlaethol o bob cwr o Gymru
  • Estyniad gwydr lle mae derbynfa groesawus, siop yr amgueddfa a’r Bwtri – caffi newydd cain yr amgueddfa

Picio Heibio

Prin o amser? Neu efallai mai dyma’r tro cyntaf i chi ymweld â’r amgueddfa?

Dyma hufen ein syniadau i deuluoedd:

  1. Cyfarfod Dyn Brymbo wyneb yn wyneb
  2. Dilyn eich trwyn trwy strydoedd Wrecsam Fictoraidd
  3. Ailadeiladu castell canoloesol o’i adfeilion
  4. Chwilio am yr arteffact rhyfedd a rhyfeddol diweddaraf yn y Cas Hynodion
  5. Cael seibiant yn y Bwtri gyda bwyd a diod Cymreig rhagorol

Dyma ein chwe awgrym ar gyfer oedolion:

  1. Gwrando ar y newyddion am gael hyd i Ddyn Brymbo cyn ei gyfarfod wyneb yn wyneb
  2. Cymryd rhan yn y Gêm Ddyddio. Peidiwch â phoeni os na wyddoch yr holl atebion!
  3. Edmygu medr gofaint yr Oes Efydd a luniodd wrthrychau Celc yr Orsedd
  4. Gwylio ffilm yn yr Hippodrome. Dim angen tocyn!
  5. Cip ar fywyd yn Wrecsam Fictoraidd trwy ddarllen y Borough Reporter. Mae’n dawel yn yr 21ain ganrif mewn cymhariaeth!
  6. Ymlacio yn y Bwtri, siop goffi’r amgueddfa, a gwylio’r byd yn mynd heibio o’r lle mwyaf hanesyddol yn y dref!

Cynllun yr Amgueddfa i Ymwelwyr

Mae'r ddogfennau ar gael ar y ffurfiau canlynol:

Cynllun yr Amgueddfa i Ymwelwyr - fformat PDF 4.2Mb

Archifau Newyddion Amgueddfa

yn ôl i'r brig