 Prosiect Adnewyddu Amgueddfa Bwrdeistref Sirol Wrecsam
'Dyfodol i'ch Gorffennol' - Prosiect Adnewyddu Amgueddfa Bwrdeistref Sirol Wrecsam. Cwestiynau a ofynnir yn aml.
Beth yw Nodau ac Amcanion yr Amgueddfa
Gweledigaeth gyffredinol yr amgueddfa yw: -
‘Bydd Amgueddfa Bwrdeistref Sirol Wrecsam yn fan sy’n croesawu ac mae iddo ystyr i’r holl gymuned. Mae’n symbylu ymwelwyr i archwilio treftadaeth ddiwylliannol y Fwrdeistref Sirol a’i rôl yn natblygiad Cymru a’r byd ehangach.’
Y Datganiad o Fwriad cyflenwol yw: -
‘Bydd Amgueddfa Bwrdeistref Sirol Wrecsam yn ganolfan ragoriaeth (gwirioneddol ac ymarferol) ar gyfer cynyddu gwybodaeth a dealltwriaeth gyhoeddus am dreftadaeth ein cymuned ac yn symbyliad i bobl ymwneud yn weithredol gyda’u treftadaeth’.
I gyflawni hyn, bydd yr amgueddfa yn: -
- Adnabod, casglu a gwarchod tystiolaeth ddeynyddiol berthnasol i dreftadaeth ddiwylliannol Bwrdeistref Sirol Wrecsam a chynnal y casgliadau hynny yn unol â safonau cenedlaethol.
- Sicrhau bod ein casgliadau ein hunain, a rhai pellach yn ddaearyddol, yn fwy cyraeddadwy i’r holl gymuned drwy sawl modd (er enghraifft, drwy arddangosfeydd ac e-dechnoleg).
- Cynyddu ymwybyddiaeth a dealltwriaeth y cyhoedd o dreftadaeth ddiwylliannol Cyngor Bwrdeistref Sirol Wrecsam a’i rôl yn natblygiad Cymru a’r byd ehangach (er enghraifft, drwy ystod o raglenni deongliadol ac addysgol a gweithgareddau hyrwyddol).
- Darparu cyfleusterau a gwasanaethau o safon sy’n sicrhau profiad ymweld o ansawdd uchel.
yn ôl i'r brig
Beth ydym wedi ei ddysgu gan ein hymwelwyr ac o siarad gyda phobl nad ydynt wedi defnyddio ein hamgueddfa
I’n helpu i gynllunio at y dyfodol, buom yn gofyn barn pobl am yr amgueddfa fel y mae heddiw, a sut yr hoffent ei gweld yn newid. Rydym wedi ymgynghori gyda phobl nad ydynt wedi defnyddio’r amgueddfa, ynghyd â’r rhai sydd eisoes yn ymweld. Maent wedi dweud wrthym: -
- Nad yw llawer o bobl yn ymwybodol o’r amgueddfa, ei lleoliad, neu’r ystod o wasanaethau y gall ei gynnig. I rai pobl, ystyrir yr amgueddfa’n anghysbell neu amherthnasol - ‘nid i ni’.
- Bod gan yr amgueddfa, arddangosfeydd sefydlog digyfnewid nad ydynt yn adlewyrchu treftadaeth ein cymuned yn llawn. Mae angen i’r amgueddfa ddangos mwy o gasgliadau ein treftadaeth a bod yn fwy deinamig a rhyngweithiol.
- Bod ysgolion yn gwerthfawrogi’r rhaglenni addysg ond byddent yn hoffi cyfleusterau addysgu gwell yn yr amgueddfa ac arddangosfeydd gyda deunyddiau adnoddau cysylltiedig y gellid eu defnyddio i gefnogi’r Cwricwlwm Cymreig.
- Bod cefnogaeth gymunedol leol gref ar gyfer gwarchod ein hetifeddiaeth ond mae rhai nad ydynt yn draddodiadol yn defnyddio’r amgueddfa yn ystyried treftadaeth (yn cynnwys eu treftadaeth eu hunain) yn amherthnasol ac yn aml nid ydynt byth yn ymwneud â threftadaeth.
Yn seiliedig ar y canfyddiadau hyn, er mwyn datblygu cynulleidfaoedd i’r amgueddfa ac annog mwy o bobl i ymwneud â’u treftadaeth, mae’r Cynllun Datblygu Cynulleidfa Amgueddfa (2007) yn argymell bod angen i’r amgueddfa: -
- Godi ymwybyddiaeth a phroffil cyhoeddus yr amgueddfa a’r hyn sydd ganddi i’w gynnig i’r ymwelwyr (yn arbennig pobl nad ydynt yn draddodiadol yn ddefnyddwyr amgueddfa).
- Creu amgylchfyd lle mae pobl yn teimlo bod croeso iddynt, yn arbennig ei fod yn ‘gyfeillgar wrth deuluol’, ac yn datblygu’r amgueddfa fel cyrchfan a lle ar gyfer rhyngweithiad cymdeithasol gan yr holl gymuned.
- Datblygu arddangosfeydd orielau sy’n: cynyddu dealltwriaeth y cyhoedd drwy ddehongli ein casgliadau mewn modd y gall pobl ei ddefnyddio i siwtio eu dull dysgu eu hunain a’u lefel gwybodaeth neu ddiddordeb; yn fwy deinamig a rhyngweithiol; darparu cyfleoedd i’r gymuned i gyflwyno a chyfrannu’n uniongyrchol i’n gwybodaeth am y dreftadaeth leol.
- Gweithio mewn partneriaeth gyda sefydliadau cymunedol a’r sector dreftadaeth leol, i ddatblygu a chyflenwi rhaglenni treftadaeth estyn allan, i dargedu’n arbennig gymunedau nad ydynt yn draddodiadol yn ddefnyddwyr amgueddfa.
yn ôl i'r brig
Beth yw Gwedd 1 Prosiect Treftadaeth Gymunedol Wrecsam
Gan weithio o fewn gweledigaeth gyffredinol, cyflawnir datblygiad yr amgueddfa a gwasanaethau cysylltiol mewn cyfres o weddau arwahanol. Y cynigion ar gyfer Gwedd 1 y Prosiect yw: -
- Datblygu a chyflenwi rhaglen dreftadaeth gymunedol estyn allan, yn arbennig i annog cyfranogiad gan gynulleidfaoedd newydd o gymunedau y mae eu treftadaeth wedi eu hymyleiddio neu sy’n ystyried bod treftadaeth yn amherthnasol;
- Gwella arwyddion a darparu gwybodaeth am yr amgueddfa a beth sydd ganddi i’w gynnig ar flaengwrt yr Amgueddfa.
- ‘Ail-leoli’r’ amgueddfa drwy farchnata mwy effeithiol a gweithgareddau hyrwyddol.
- Gostwng rhwystr seicolegol a ffisegol y wal ffin bresennol o flaen yr amgueddfa drwy gael gwared â rhan o’r wal sy’n wynebu canol y dref;
- Darparu rhaglen o ddigwyddiadau treftadaeth a gweithgareddau ar flaengwrt yr amgueddfa;
- Ymestyn y llwybr ‘rhithiwr’ ar-lein presennol am hanes yr adeilad gyda chyfres o baneli deongliadol ym mhob un o’r gofodau cyhoeddus (gan ddechrau gyda Cham 1 ar flaengwrt yr amgueddfa), wedi ei gefnogi gan raglen o deithiau o amgylch yr adeilad;
- Datblygu cynllun gwirfoddol ‘bathodyn glas’ ar gyfer teithiau cerdded tywysedig o amgylch y dref, gan ddechrau a gorffen yn yr amgueddfa;
- Ymestyn blaen yr amgueddfa a chreu derbynfa, man adwerthu a siop goffi/te newydd a fydd yn darparu amgylchfyd cymdeithasol mwy croesawgar a chyfforddus i bobl nad ydynt fel arfer yn ymweld ag amgueddfeydd;
- Defnyddio’r siop goffi/te fel modd o gyflwyno ymwelwyr newydd i dreftadaeth, fel ‘rhagflas’ o’r profiad amgueddfa (e.e. arddangosfeydd a delweddau o’r casgliadau), ymchwil marchnata rwydweithiol a rhaglenni gweithgareddau (e.e. sesiynau stori dydd Sadwrn i blant bach, ac arddangosfeydd o waith gan bobl ifanc o Ganolfan Fictoria Wrecsam) wedi cael eu hanelu at gynulleidfaoedd penodol.
- Creu oriel newydd i sefydlu presenoldeb parhaol i’r Amgueddfa Genedlaethol a Llyfrgell Genedlaethol Cymru yng ngogledd ddwyrain Cymru, yn cynnwys mynediad gwirioneddol a rhithwir i’w casgliadau a’u gwasanaethau;
- Darparu arddangosfa newydd yn yr oriel ganolog gaiff ei datblygu a’i dylunio:
- I gynyddu gwybodaeth a dealltwriaeth o’r hyn sy’n gwneud Bwrdeistref Sirol Wrecsam yn nodedig, yn arbennig ei threftadaeth ddiwylliannol;
- I ddarparu cyfleoedd i ymwelwyr i gofnodi eu hanesion/ atgofion personol a chyfrannu at greu archif gymunedol;
- I alluogi ymwelwyr i ymwneud yn weithredol a chyfrannu tuag at ddatblygiad casgliadau amgueddfa/archif a chynnwys arddangosfa;
- I fod yn fwy rhyngweithiol a deinamig, yn arbennig i fod yn fwy ‘deulu cyfeillgar’;
- I wella mynediad deallusol, yn arbennig i bobl gyda gwahanol ddulliau o ddysgu a rhai gyda namau synhwyraidd.
- I gynyddu potensial dysgu’r arddangosfa mewn perthynas â’r Cwricwlwm Cenedlaethol/Cwricwlwm Cymreig ac anghenion disgyblion/myfyrwyr.
- Creu swît newydd o gyfleusterau toiled / newid babanod i wasanaethu’r llawr isaf;
- Gwella mynediad i bobl gyda nam symudedd, rhwng y lifft presennol a gofod addysgu ar y llawr cyntaf;
- Gosod technoleg yn y gofod addysgu fydd yn ei alluogi i ddarparu cyfleoedd dysgu ‘pell’ i ysgolion a’r gymuned ehangach e.e. drwy fwrdd gwyn, cyfarpar cynhadledd fideo;
- Darparu cyfleusterau toiled / babanod ar y llawr cyntaf, i ymwelwyr sy’n defnyddio’r gofod addysgu yn y lle cyntaf, ond yn y tymor hir i wasanaethu ymwelwyr i weddau dilynol o’r datblygiad ar yr holl lawr cyntaf.
Cliciwch yma i weld cynigion y pensaer a chysyniad dyluniad yr arddangosfa
yn ôl i'r brig
Pa Weddau eraill a gynllunir i’r Dyfodol?
Gan weithio o fewn y weledigaeth gyflawn ar gyfer datblygiad yr amgueddfa, bwriedir cynllunio Prosiect Gwedd 1 er mwyn caniatáu dilyniant i weddau hwyrach gyda chyn lleied â phosibl o effaith ar Wedd 1, fel a phan y cyflawnir gwelliannau i’r adeilad. Cynllunir y gweddau dilynol fel a ganlyn:
Gwedd 2
- Codi uchder y nenfwd dros oriel y llawr isaf i greu ‘cyntedd’ canolog - bydd hyn yn caniatáu gosod balconi i helpu i fynd i’r afael â’r gwahaniaeth yn lefelau’r llawr rhwng gofodau’r llawr cyntaf.
- Datblygu y llys mawr a’r ystafell gyfagos ar ochr ogleddol y llawr cyntaf, i greu orielau newydd gydag arddangosfeydd yn adrodd sut y datblygodd cymunedau’r Fwrdeistref Sirol a stori’r bobl leol oedd yn byw, gweithio a brwydro o’r ddeunawfed i’r 20fed ganrif.
- Cwblhau’r cynlluniau ar gyfer blaengwrt yr amgueddfa gyda dehongliadau pellach am adeilad yr amgueddfa, datblygiad taith gerdded drefol, a gosod nodwedd eiconig (cerflunwaith a/neu arteffact mawr).
Gwedd 3
- Ymestyn cyfleuster ystafell chwiliad cyhoeddus Canolfan Palmer ar gyfer Archif ac Astudiaethau Lleol, i gynyddu gallu ymwelwyr i ymchwilio’r casgliadau.
- Gwella llety storio i gasgliadau astudiaethau lleol Ymestyn y cyfleuster lloeren i greu storfa archif i safon BS5454.
- Os oes galw, fel rhan o’r wedd hon, ystyried a fyddai caniatâd i ymestyn y lloeren ar y llawr cyntaf i ddarparu ar gyfer stiwdio gadwraeth well a chyfleusterau Canolfan Gasgliadau.
- Ail-leoli cysylltiedig o letyaeth swyddfa i staff archif ac astudiaethau lleol.
Gwedd 4
- Ail-leoli’r gofod addysgu i’r llawr isaf a chreu swît addysg gyda chyfleusterau cysylltiol
- Gosod rheoliadau amgylcheddol i’r oriel arddangosfeydd arbennig, fel y gall yr amgueddfa arddangos casgliadau o ddeunydd mwy sensitif.
- Datblygu adain ddeheuol y llawr cyntaf i greu orielau newydd i archaeoleg a phêl-droed.
yn ôl i'r brig
Sut fydd Prosiect Treftadaeth Bwrdeistref Sirol Wrecsam yn helpu’r Gymuned?
Bydd y gwelliannau yn helpu i gyflenwi amcanion allweddol corfforaethol canlynol y Cyngor: -
- Codi cyrhaeddiad addysgol;
- Hyrwyddo amrywiaeth diwylliannol a chynyddu argaeledd cyfleoedd diwylliannol a hamdden diogel ar gyfer chwarae a chreadigrwydd;
- Gwella iechyd economaidd.
Yn benodol bydd y prosiect yn gwneud y cyfraniadau canlynol: -
- Yn sefyll mewn ardal gadwraeth, lleolir yr amgueddfa mewn adeilad rhestredig sy’n dirnod o bwys mawr yn y dref. Y Weledigaeth gyffredinol yw uwchraddio a dod â’r adeilad cyfan i ddefnydd cyhoeddus.
- Bydd yr amgueddfa’n dod yn adnodd dysgu o bwys drwy facsimeiddio defnydd o’r casgliadau treftadaeth drwy arddangosfeydd, addysg a rhaglenni gweithgaredd i gyfleoedd dysgu ffurfiol ac anffurfiol yn yr amgueddfa a’u cyflenwi’n uniongyrchol i’r gymuned. Bydd yn darparu:
- Cyfleusterau arddangosfeydd ac addysgu i gefnogi’r Cwricwlwm Cymreig
- Gweithgareddau tu allan i oriau ysgol / gwyliau ysgol
- Rhaglenni dysgu oedolion
- Cyfleusterau i gefnogi dysgu hunangyfeiriol.
- Bydd yr amgueddfa’n cyfrannu i’r economi leol drwy ddarparu atyniad i ymwelwyr a ‘mynedfa’ i annog pobl i archwilio safleoedd treftadaeth eraill o amgylch y Fwrdeistref Sirol.
- Bydd yn ‘gwpwrdd gwydr’ i’r Fwrdeistref Sirol fel y gall pobl ymfalchïo yn eu gorffennol gyda chyfleoedd newydd i gymunedau lleol i ymwneud yn weithredol yn y gofal, dehongliad a hyrwyddiad eu treftadaeth leol i gynulleidfa ehangach.
- Bydd amgueddfa a gynlluniwyd i wneud i bawb deimlo’n gartrefol a chyfarfod â disgwyliadau ymwelwyr yn annog mwy o bobl i ddod yn ymwybodol ac ymwneud â’u treftadaeth a defnyddio’r amgueddfa’n amlach.
- Mae ein hamgueddfeydd a’n harchifau yn diogelu etifeddiaeth ein gorffennol er lles a mwynhad cenedlaethau’r dyfodol a’n helpu i ddeall ein byd cyfoes. Gallant roi synnwyr o adnabod inni fel unigolion, teuluoedd a chymunedau, a helpu i godi pontydd rhwng cenedlaethau er enghraifft, coffâd trigain mlynedd ers yr Ail Ryfel Byd. Maent yn galluogi pobl i ymchwilio’n weithredol i hanes lleol a dysgu sgiliau newydd, llawer ohonynt yn cael eu gwerthfawrogi mewn addysg ac yn y gweithle.
- Bydd y gwelliannau’n cynnig y cyfle i’n cymunedau i gael mynediad uniongyrchol at gasgliadau cenedlaethol a phwysig (a gwasanaethau cysylltiol) sy’n ymwneud â’r maes hwn ond na fu ar gael yn lleol erioed o’r blaen. Mae’r amgueddfa eisoes wedi adeiladu partneriaethau cryf gydag Amgueddfa Cymru, Llyfrgell Genedlaethol Cymru ac Amgueddfa’r Ffiwsilwyr Brenhinol Cymreig ond, ar hyn o bryd, mae’n brin o’r gallu i ymelwa o’r perthnasau hynny i’w potensial llawn.
yn ôl i'r brig
Beth sydd wedi digwydd hyd yma?
Mae’r Prosiect Gwedd 1 yn rhan o raglen barhaus o welliannau i’r amgueddfa. Cliciwch yma i weld hanes datblygiad yr amgueddfa hyd heddiw.
Mae Tîm Rheoli Prosiect wedi arolygu a chydlynu’r gwaith rhagbaratoawl ar gyfer ein cais i Gronfa Dreftadaeth y Loteri (CTL) ac mae grŵp cynrychioladol o aelodau etholedig yn monitro cynnydd y prosiect.
Fe lwyddom i sicrhau Grant Cynllunio Prosiect o £50,000 gan y CTL i’n galluogi i gomisiynu tair o’r dogfennau hanfodol ar gyfer y cais, sef:
i) Cynllun Mynediad yn cynnwys awdit o adeiladau’r amgueddfa ac argymhellion ar gyfer sicrhau bod yr amgueddfa mor hygyrch â phosibl i bob adran o’r gymuned. Roedd y gwaith hwn yn cynnwys ymgynghoriad dechreuol gyda chynrychiolwyr o sefydliadau anabledd lleol. Bydd yr argymhellion yn cael eu hymgorffori i gynigion dylunio pensaernïol ac arddangosfa Gwedd 1 a rhaglenni gweithgaredd.
ii) Cynllun Datblygu Cynulleidfa yn seiliedig ar ymchwil farchnata ac ymgynghoriad gyda defnyddwyr a rhai nad ydynt yn defnyddio, gydag argymhellion ar gyfer sicrhau y gall yr amgueddfa optimeiddio cynulleidfaoedd newydd ac adeiladu ar gynulleidfaoedd presennol. Dywed y cynllun wrthym y gallem ddisgwyl cynyddu’r nifer o bobl sy’n defnyddio’r amgueddfa a’i wasanaethau o 15,000 i 58,000 y flwyddyn.
ii) Cynllun Rheolaeth Cadwraeth yn seiliedig ar werthusiad o adeiladau’r amgueddfa ac ymchwil hanesyddol. Mae’r Cynllun yn darparu fframwaith ar gyfer cadwraeth ffabrig hanesyddol yr adeilad ac fe’i defnyddir i arwain y broses ddylunio a bydd yn ganllaw cynnal a chadw’r dyfodol.
Paratowyd dogfennau eraill oedd eu hangen ar CTL fel a ganlyn:
iv) Cynlluniau cysyniad pensaernïol dechreuol a chynlluniau dangosyddion arddangosfeydd cywerth. Y penseiri yw Austin Smith: Lord a’r cwmni cynllun arddangosfa yw ‘Bright 3D’. Byddwn angen caniatâd adeilad rhestredig gan Cadw: Henebion Cymru ynghyd â rheoliadau adeiladu.
Cliciwch i weld gwefanau Austin Smith: Lord a Bright 3D
v) ‘Cynllun Rheolaeth Casgliadau’ sy’n ystyried pob agwedd o ofal o’r amgueddfa, archif a chasgliadau astudiaeth leol a ddelir gan Wasanaeth Treftadaeth y Fwrdeistref Sirol.
vi) Mae’r Cynllun Addysg (Dysgu a Mynediad) yn disgrifio'r sefyllfa bresennol, yn nodi materion a chyfleoedd, ac yn darparu cynllun gweithredu manwl sy’n amlinellu sut fydd yr amgueddfa’n datblygu cynulleidfa drwy gyfleoedd dysgu ffurfiol ac anffurfiol.
vii) Cynllun Hyfforddiant sy’n canolbwyntio ar hyfforddiant ac anghenion datblygiad, a’r cyfleoedd sy’n codi o’r prosiect Gwedd 1
Mae copïau cyfeiriad o’r holl Gynlluniau uchod ar gael ar gyfer archwiliad yng Nghanolfan A.N. Palmer, Amgueddfa Bwrdeistref Sirol Wrecsam.
 Hanes datblygiad yr Amgueddfa hyd yma
Mae'r ddogfen yma ar gael i ddadlwytho yn y fformat isod:
Hanes datblygiad yr Amgueddfa hyd yma - Fersiwn PDF 261Kb 
To view and print PDF files, you must have Adobe® Acrobat® Reader installed: click the logo below to download the software.
Adobe Acrobat documents can be converted back to plain text using Adobe's Online conversion tools for Adobe PDF documents.
yn ôl i'r brig
Beth yw’r amserlen ar gyfer Prosiect Gwedd 1
Bydd cynnydd yn ddibynnol ar ganlyniad terfynol cais am gefnogaeth ariannol i Gronfa Dreftadaeth y Loteri (CTL)
Mae’r CTL yn ystyried ceisiadau mewn dwy ran: dyfarnwyd Trwydded Cam 1 ym mis Mawrth 2008. Mae hyn yn golygu bod y CTL wedi clustnodi £950,000 o gyllid tuag at y prosiect tra byddai cynlluniau manylach yn cael eu llunio.
Byddai grant datblygu o £30,800 o Gronfa Treftadaeth y Loteri (CTL) yn caniatáu i’r amgueddfa a’i phensaer a’i thîm dylunio arddangosfa weithio allan y cynigion amlinellol dechreuol gyda golwg ar gyflwyno cynllun ym mis Medi ar gyfer cymeradwyaeth derfynol i Gronfa Dreftadaeth y Loteri yn nechrau 2009. Yn amodol ar gymeradwyaeth derfynol, bydd gwaith yn dechrau ar y safle yn yr hydref 2009 a bydd yn cymryd oddeutu 10 mis i’w gwblhau. Byddai’r amgueddfa’n ail-agor yn haf 2010.
yn ôl i'r brig
Faint fydd yr ailwampio’n ei gostio a sut yr ariennir ef?
Amcangyfrif presennol cyfanswm cost prosiect Gwedd 1 sy’n cynnwys y gwelliannau adeiladol, orielau newydd a rhaglenni estyn allan cymunedol – yw ychydig dros £2miliwn.
yn ôl i'r brig
Beth sy’n digwydd os nad yw’r cais i Gronfa Dreftadaeth y Loteri (CTL) yn llwyddo?
Mae dau gam pryd y bydd CTL yn ystyried ein cais. Nid yw llwyddo yng Ngham 1 yn warant awtomatig y bydd y prosiect yn sicrhau arian; ni fydd hyn yn hysbys hyd nes y bydd CTL wedi ystyried y cais terfynol.
Os yw’r CTL yn penderfynu peidio ariannu’r prosiect, neu i roi lefel is o arian nag y gofynnwyd amdano, yna bydd raid i’r Cyngor adolygu’r prosiect.
yn ôl i'r brig
Faint yn fwy fydd yr amgueddfa’n ei gostio i’w chynnal pan gwblheir prosiect Gwedd 1?
Rydym wedi datblygu Cynllun Busnes sy’n amlinellu amcangyfrif o wariant ac incwm ar gyfer yr amgueddfa gynted ag y cwblheir Prosiect Gwedd 1.
Rhagamcenir y bydd costau net ychwanegol y prosiect yn £52,000 yn 2011/12 (y flwyddyn lawn gyntaf mewn gweithrediad).
Disgwylir i’r prosiect greu yn cyfateb i 1 swydd newydd lawn-amser, a 3 swydd ran-amser. Bydd y rhain oll yn darparu gwasanaethau’n uniongyrchol i’r cyhoedd, er enghraifft datblygu a chyflwyno rhaglenni addysgol a chymunedol, cefnogaeth dechnegol i’r orielau a hyrwyddiad a chyhoeddusrwydd yr amgueddfa. Gweithredir y caffi/siop ar sail fasnachfraint, a disgwylir iddo greu nifer o swyddi eraill.
Mae’r Cyngor wedi awdurdodi’r prosiect i symud ymlaen ar y cam hwn ar y sail na fydd y costau refeniw ychwanegol yn arwain at gynnydd yng nghyllideb gyffredinol y Cyngor.
yn ôl i'r brig
Pwy yw partneriaid yr amgueddfa?
Eisoes mae’r amgueddfa’n bartner i Amgueddfa Cymru National Museum Wales (ACNMW) o dan gynllun newydd ‘Cyfoeth Cymru Gyfan - Sharing Treasures’. Bydd y bartneriaeth hon yn cael ei chryfhau’n sylweddol.
Mae Llyfrgell Genedlaethol Cymru (LlGC) hefyd wedi nodi ei bod yn dymuno gweithio’n agosach gyda’r amgueddfa i hyrwyddo mynediad ehangach i’w chasgliadau.
Yn ychwanegol at gasgliadau, bydd yr amgueddfa newydd a ailwampiwyd yn darparu pwynt mynediad newydd i’r cyhoedd neu ‘borth’ i wasanaethau ehangach ACNMW a LlGC (er enghraifft drwy gysylltiadau electronig). Bydd hyn yn darparu pwynt mynediad rhanbarthol i’r sefydliadau Cymru-gyfan hyn sy’n bell yn ddaearyddol o’r Fwrdeistref Sirol.
Mae Ymddiriedolwyr Amgueddfa Gatrodol Ffiwsilwyr Brenhinol Gymreig (‘RWF’) yng Nghaernarfon yn frwdfrydig i ddod ag archif sylweddol y Gatrawd a chasgliadau wrth gefn i Wrecsam, er mwyn ennill mynediad cyhoeddus ehangach (gan adlewyrchu perthynas hanesyddol rhwng y gatrawd a Wrecsam - ei thref ‘enedigol’). Bwriedir mewn gweddau i’r dyfodol, y bydd yr orielau arddangos arfaethedig yn ymgorffori deunydd perthnasol i’r Fwrdeistref Sirol o archif a chasgliadau wrth gefn yr ‘RWF’. Bydd adnoddau ar-lein ac arddangosfeydd dros dro a theithiol yn cael eu datblygu i ddefnyddio deunydd a fyddai fel arall yn cael eu cadw mewn storfa.
yn ôl i'r brig
Beth fydd yn digwydd i’r Gwasanaeth Treftadaeth yn ystod y cyfnod ailwampio?
Am resymau ymarferol gweithredol, ac iechyd a diogelwch, bydd raid i’r amgueddfa gau yn ystod y cyfnod adeiladu, a gwneir trefniadau eraill ar gyfer adleoli swyddfeydd staff dros dro, casgliadau wrth gefn a chynnal gwasanaethau treftadaeth.
Bydd mynediad cyhoeddus at gasgliadau Archifau a chasgliadau Astudiaethau Lleol ar gael drwy Lyfrgell Wrecsam a gwasanaethau ar-lein.
Y ystod y cyfnod adeiladu, bydd yr amgueddfa’n parhau i gynnal proffil cyhoeddus drwy raglen o arddangosfeydd, digwyddiadau a rhaglenni addysgol a gaiff eu cyflwyno ledled y gymuned i annog cynulleidfaoedd newydd ar gyfer yr amgueddfa ar ei newydd wedd.
Rydym eisoes wedi derbyn mynegiant o ddiddordeb gan ysgolion lleol a fyddai’n hoffi bod ynghlwm yn ystod cyfnod datblygu’r prosiect.
yn ôl i'r brig
Gwneud Treftadaeth yn Fater o Bwys – Strategaeth Treftadaeth ar gyfer Bwrdeistref Sirol Wrecsam
Ystyrir y cais i Gronfa Dreftadaeth y Loteri (CTL) o fewn fframwaith ehangach Strategaeth Dreftadaeth i’r Fwrdeistref Sirol.
Gyda chefnogaeth ariannol gan CyMAL: Amgueddfeydd, Archifau a Llyfrgelloedd Cymru fe ddatblygom Strategaeth sy’n darparu trosolwg strategol ar gyfer blaenoriaethu a rheoli o fewn y sector dreftadaeth ei hun, a sail gyffredin ar gyfer gweithredu i bawb sy’n gweithio gyda threftadaeth yn y Fwrdeistref Sirol.
Cliciwch yma i weld y Strategaeth Dreftadaeth
yn ôl i'r brig
Sut allaf ddysgu mwy a dweud fy nweud am sut y gallem wella’r Amgueddfa a helpu mwy o bobl i ymwneud â’u treftadaeth?
- Ymweld â’n harddangosfa deithiol
cliciwch am deithlyfr
- Gadewch inni gael eich barn a’ch sylwadau ar y cynigion drwy ein holiadur cliciwch
- Ymunwch â Chyfeillion Amgueddfeydd Wrecsam neu Fforwm Treftadaeth Wrecsam sy’n sefydliadau gwirfoddol sy’n cefnogi ein Treftadaeth.
Cliciwch am fanylion pellach am sut i ymuno
|
English
Yn ôl i'r brig