Bathodyn y Maer

Cafodd Wrecsam ei Faer cyntaf yn 1857 pan gafodd ei 'chorffori'. Gwaith Corfforaeth y Fwrdeistref oedd gwella'r dref a lles ei thrigolion.

Yn ôl adroddiadau gwasg leol y cyfnod, roedd Wrecsam yn llawn gweithgareddau yn 1857: roedd yr adeilad hwn yn cael ei adeiladu, drws nesaf roedd Mr Richard Thompson yn talu am eglwys babyddol newydd, roedd yr Anglicaniaid yn brysur yn adeiladu Eglwys Sant Marc (erbyn hyn wedi'i dymchwel i wneud lle ar gyfer maes parcio aml-lawr) ac fel dywed y papur roedd y "bobl gyfoethog dosbarth canol" yn brysur yn adeiladu tai yng ngorllewin Wrecsam.