Amgueddfa Wrecsam : Gwybodaeth i Ymwelwyr

Arddangosfeydd a Gwahanol Ddigwyddiadau

I gael gwybod beth sy'n digwydd nawr yn Amgueddfa Bwrdeistref Sirol Wrecsam, ewch i'n tudalen Arddangosfeydd a Digwyddiadau.

Y Ganolfan Gasgliadau

Ychydig iawn o amgueddfeydd sy’n arddangos eu holl gasgliadau, a dweud y gwir, mae’r hyn a welwch mewn arddangosfeydd fel arfer yn cyfrif am 15% o’r hyn sydd ar gael yn storfa’r amgueddfa. Nawr gellwch weld holl gasgliadau’r amgueddfa trwy ymweld â’r Ganolfan Gasgliadau yn Amgueddfa Bwrdeistref Sirol Wrecsam. Dilynwch y cyswllt uchod i weld yr oriau agor ac i gael mwy o fanylion.

Y Ganolfan Gasgliadau

Ymchwilio i'ch coeden deulu? Am gael gwybod mwy am hanes eich ty ?

Gall Canolfan Astudiaethau ac Archifau Lleol A.N. Palmer eich cynorthwyo i ateb y cwestiynau hyn a mwy am eich hanes lleol. Mae cyngor arbenigol ar gael i'ch cynorthwyo i wneud y gorau o'n casgliadau o gyfrifiadau, cofnodion plwyf, lluniau, mapiau, dogfennau a deunyddiau cyfeiriol.

Yr Isadeilad

Y cam cyntaf yng nghynllun y Cyngor i adnewyddu Adeiladau’r Sir fel amgueddfa oedd cwblhau asgell bwrpasol i gymryd lle hen adeilad anaddas a adeiladwyd yn ystod yr Ail Ryfel Byd. Mae’r asgell newydd hon, yr Isadeilad, yn darparu cyfleusterau i reoli a chadw casgliadau’r amgueddfa ac ystafell astudio gyhoeddus o’r enw’r Ganolfan Gasgliadau, sy’n darparu mynediad ar-lein at y casgliadau wrth gefn nad ydynt yn cael eu harddangos.

Cwblhawyd yr ‘Isadeilad’ ar 15 Mai 1998 gyda chymorth grant o £299,375 gan Gronfa Dreftadaeth y Loteri. Cyfanswm cost yr asgell newydd oedd £395,500 a thalwyd y swm a oedd yn weddill, sef £99,125, gan Gyngor Bwrdeistref Sirol Wrecsam.

Datganiad Hygyrchedd

Cludiant a Lleoliad

Mae Amgueddfa Bwrdeistref Sirol Wrecsam ar Stryt y Rhaglaw rhwng Eglwys Gadeiriol Gatholig y Santes Fair a maes parcio aml-lawr NCP Sant Marc.

Mae tri lle parcio ar gyfer dalwyr bathodyn glas ar Ffordd Sant Marc ar ochr ddwyreiniol yr adeilad 80m o fynedfa’r amgueddfa. Hefyd, gall dalwyr bathodyn glas a bysiau mini grwpiau anabl barcio ym mlaengwrt yr amgueddfa os trefnir ymlaen llaw.

Mae gorsaf fysiau Wrecsam ar Stryt y Brenin tua 200m o’r amgueddfa.

Mae gorsaf reilffordd Wrecsam Ganolog tua 230m i’r de o’r amgueddfa o fewn canolfan siopa Y Werddon.

Y maes parcio agosaf yw maes parcio aml-lawr talu ac arddangos NCP Sant Marc tua 100m o’r amgueddfa. Mae gan y maes parcio hwn 4 cilfach barcio ar gyfer yr anabl ar y llawr gwaelod.

Mae Shop Mobility Wrecsam yng ngorsaf fysiau Wrecsam 200m o’r amgueddfa.

CGC yr Arolwg Ordnans ar gyfer yr amgueddfa yw SJ3318 5043.

Wrth gyrraedd mynedfa’r amgueddfa byddwch ar wyneb gwastad o raean rhannol rydd.

Cyfleusterau

Mae’r Amgueddfa ar agor o ddydd Llun i ddydd Gwener rhwng 10am a 5pm (mynediad olaf am 4.30pm), ddydd Sadwrn 10.30am i 3pm (mynediad olaf 2.30pm), ar gau ddyddiau Sul a gwyliau’r banc. Mae’r Ganolfan Casgliadau ar agor ddyddiau Llun, Mercher a Gwener rhwng 2 a 4pm.

Mae’r orielau cyhoeddus a Chanolfan A.N. Palmer ar gyfer astudiaethau lleol ac archifau ar y llawr gwaelod gyda mynediad gwastad drwyddi draw. Mae’r Ganolfan Casgliadau ar lawr cyntaf yr isadeilad a gellir ei chyrraedd trwy ddefnyddio’r lifft hygyrch (ond di-lais) o’r brif oriel.

Mae dolen glyw wedi’i gosod ar ddesg y Dderbynfa.

Nid oes yr un drws, lle mae drysau i’w cael, yn awtomatig ond mae lled pob un yn 800mm neu fwy.

Mae toiledau hygyrch i ferched a dynion yn ymyl desg y dderbynfa yn y logia blaen a gyferbyn â’r Ganolfan Casgliadau ar y llawr cyntaf. Mae larwm i alw am gymorth os bydd ei angen yn y ddau.

Cynlluniwyd yr holl arddangosfeydd i fod yn hygyrch, gyda fersiynau print bras o destun arddangosfa ar gael a rhywfaint o esboniad mewn Braille ar gael ar gyfer arddangosion parhaol.

Mae croeso i gŵn tywys.

Mae dwy ystafell ar gyfer cyfarfodydd ar y llawr cyntaf, mae dolen glyw wedi’i gosod yn y lleiaf ohonynt (ystafell addysg). Does dim dolen yn y llall. Gellir cael mynediad i’r ddwy ystafell trwy ddefnyddio’r grisiau neu’r lifft ac esgynfa. Mae un ris i mewn i’r ystafell fawr. Nid yw pob bwlch drws ar y llawr cyntaf yn cydymffurfio â’r canllawiau ar gyfer lled hygyrch.