Bonc Yr Hafod

Lleolir Bonc yr Hafod, sef Parc Cymunedol yr Hafod, ar hen domen pridd gwastraff yr Hafod. Plannwyd miloedd o goed ar y safle i wneud yr Hafod yn un o'r coetiroedd cymunedol mwyaf yng ngogledd orllewin Cymru.

Mae'r Hafod yn cwmpasu bron i 90 erw ac yn cynnwys bryn mawr a adnabyddir yn lleol fel y mynydd picnic. Mae rhwydwaith o lwybrau yn eich arwain i ben y bryn lle ceir golygfeydd godidog o'r cefn gwlad cyfagos. Ar ddiwrnod clir, mae'r golygfeydd hyn yn ymestyn mor bell ag Ardal y Copaon.

Gellir hefyd gweld cerflun sy'n dathlu'r gwahanol ffyrdd y defnyddiwyd y tir ar ben y bryn. Gwnaed y cerflun ar ffurf deial haul sy'n newid dros amser, ac mae'r cerflun yn coffáu glowyr yr ardal yn ogystal â darlunio'r bywyd gwyllt sydd bellach yn byw yn y parc.

Mae'r parc wedi'i ddynodi fel Safle o Ddiddordeb Gwyddonol Arbennig, ac mae ganddo sawl pwll sy'n gartref i'r fadfall ddwr gribog brin. Mae hefyd yn gartref i'r ehedydd, sydd hefyd dan fygythiad, ond mae'r Hafod yn darparu'r cynefin perffaith iddo oroesi.

Sut i gyrraedd y parc

Gellir dod o hyd i'r Hafod drwy droi am y Plasau ar yr A483 ac anelu am Johnstown. Cymerwch y troad cyntaf i'r dde am "Dennis' of Ruabon" Mae maes parcio'r Hafod ymhellach i fyny'r ffordd ar y chwith.

Cyfeiriad y parc

Ffordd yr Hafod (ger Ffordd Bangor)
Johnstown
Wrecsam

Oriau agor

Mae'r parc ar agor trwy gydol y flwyddyn.

Cyfleusterau

• Maes parcio
• Grwpiau ysgol
• Sgyrsiau/teithiau cerdded tywysedig
• Llwybrau ag arwyneb

Cysylltwch â

d/o Parc Gwledig Ty Mawr
Lôn Cae Gwilym
Cefn Mawr
Wrecsam
LL14 3PE

Ffôn: 01978 822780
Ebost: countryparks@wrexham.gov.uk