Clwb Gwyliau

Mae Clybiau Gwyliau Canolfan Hamdden a Gweithgareddau’r Waun yn sicrhau bod eich plentyn yn mwynhau gwyliau ysgol hwyliog a llawn bywyd.

Mae gan y staff gymwysterau da a phrofiad helaeth a byddant yn cynnig amgylchedd hwyliog a chyfeillgar lle fydd pob plentyn ac unigolyn ifanc yn cael croeso ac yn teimlo’n gyfforddus 

Mae’r chwaraeon sydd ar gael yn cynnwys: Athletau, tennis, rownderi, criced a phêl-droed.  Ceir rhai gweithgareddau llawn hwyl hefyd megis, nofio, rasys dŵr hwyliog, celf a chrefft a gemau tîm.  Rydym hefyd yn trefnu gwibdaith i’r plant gael hyd yn oed mwy o hwyl!

Anogir y plant a’r bobl ifanc i gymryd rhan a datblygu’r sgiliau sydd ganddynt eisoes a sgiliau newydd.

Mae’r clwb yn agored i blant sydd rhwng 8 ac 14 oed a’r gost yw £12.50 y dydd. Bydd gostyngiad ar gael am neilltuo wythnos gyfan.

Rydym yn cynnal clybiau yn ystod gwyliau’r Pasg a gwyliau’r haf ac weithiau bydd clybiau yn ystod gwyliau eraill, yn dibynnu faint o staff sydd ar gael.

Ni ddarperir cinio, felly cofiwch ddod â phecyn cinio.  Mae gan y ganolfan hamdden nifer o beiriannau sy’n gwerthu amrywiaeth o ddiodydd poeth/oer, siocled, creision a fferins.

Am ragor o wybodaeth ac i neilltuo lle, cysylltwch â Chanolfan Hamdden a Gweithgareddau’r Waun ar 01691 778666

Mae pob un o’r hyfforddwyr yn gymwys ac wedi eu gwirio gan yr heddlu trwy’r Swyddfa Cofnodion Troseddol.

 

yn ôl i'r brig