|
Sefydlwyd Gwasanaeth Archifau Wrecsam wedi'r aildrefnu
a fu ar Lywodraeth Leol ym mis Ebrill 1996. Bydd Canolfan Archifau ac
Astudiaethau Lleol yn cael ei ddatblygu yn Amgueddfa'r Fwrdeistref Sirol
i ddarparu microffurfiau neu gofnodion o ddiddordeb lleol, copïau o gatalogau,
rhestrau a mynegeion o gofnodion o ddiddordeb i'r ardal wedi eu cynhyrchu
gan swyddfeydd confodion eraill.
Bydd yr archifau sy'n ymwneud ag ardal Cyngor Bwrdeistref Sirol Wrecsam
sydd eisoes yng ngofal yr archifau'n Rhuthun, Sir Ddinbych a Phenarlâg,
Sir y Fflint yn parhau yno ar hyn o bryd.
Mae'r gwasanaeth archifau yn cadw casgliadau archifol bychain, deunydd
a gafwyd ers ei sefydlu ym 1996 yn bennaf. Mae'n awyddus i gadw cofnodion
o ddiddordeb hanesyddol i'r ardal gan gynnwys llawysgrifau, mapiau, cynlluniau
a ffotograffau. Petai gennych eitem yr hoffech ei rhoi neu ei benthyca,
neu os oes gennych ymholiadau ynghylch ffynonellau archifol mae croeso
i chi gysylltu â:-
Helen Gwerfyl, Archifydd, yn Amgueddfa Wrecsam
neu ebost: archives@wrexham.gov.uk
yn ôl i'r brig
|
Yn ôl i'r brig