Cyfeillion Archifau Clwyd

Mae Cyfeillion Archifau Clwyd yn prynu Ffurflenni Cyfrifiad. Trwy haelioni Cyfeillion Archifau Clwyd bydd set gyflawn o ffurflenni cyfrifiad 1841-1881 ar gyfer Bwrdeistref Sirol Wrecsam ar gael yn fuan.

Ar hyn o bryd mae'r ffurflenni cyfrifiad yn anghyflawn ar gyfer ardaloedd amgylchynol tref Wrecsam, ond wedi i'r ardaloedd sydd ar goll gael eu henwi ac i gyfeirnodau'r microffilm angenrheidiol gael eu nodi er mwyn cwblhau'r set, buan iawn y cynigodd y Cyfeillion dalu am gopio'r cofnodion hyn.

Rydym yn hynod o ddiolchgar am eu cymorth, yn enwedig ar y cychwyn fel hyn pan rydym yn ceisio sefydlu a datblygu'r gwasanaeth.

Felly, bydd set gyflawn ar gael o fis Mehefin ymlaen yng Ngwasanaeth Astudiaethau Lleol, Llyfrgell Wrecsam hyd nes y bydd y gwasanaeth yn symud i'r amgueddfa.