Astudiaethau Lleol

Ffurfiwyd y Gwasanaeth Astudiaethau Lleol ym mis Ebrill 1996 yn yr aildrefnu a fu ar lywodraeth leol. Fe'i lluniwyd o'r casgliad a oedd eisoes yn Llyfrgell Wrecsam a'r Ganolfan Gelf ac ychwanegwyd deunyddiau o Gasgliad Astudiaethau Lleol Clwyd yng Nghanolfan Llyfrgell Clwyd, Yr Wyddgrug, ato. Mae casgliadau arwyddocaol llai mewn llyfrgelloedd cangen yn y Fwrdeistref Sirol. Mae'r casgliad yn cynnwys deunydd argraffedig sy'n berthnasol i Fwrdeistref Sirol Wrecsam a hefyd weithiau cyffredinol am Gymru, Sir Gaer a Sir Amwythig os ydynt yn berthnasol i'r astudiaeth o'r ardal. Cesglir deunyddiau ar bersonoliaethau lleol a chasgliad cynrychiadol o weithiau gan awduron lleol hefyd. Ceir casgliad arbennig o lyfrau a argraffwyd ac a gyhoeddwyd yn yr ardal, cyhoeddwyd y cyntaf o'r rhain gan Richard Marsh ym 1772.

ebost: localstudies@wrexham.gov.uk