Gwasanaethau A-Y

Eglwys Santes Fair Y Forwyn

Mae Owrtyn yn fwyaf adnabyddus, efaillai, am yr hen goed yw godidog yn y fynwent, un o "Saith Ryfeddod Cymru". Credir bod yr hynaf yn 1500 - 2000 oed.

Llun o Eglwys Santes Fair Y Forwyn

Mae twr yr eglwys yn dyddio o'r 14ef ganrif ac mae ganddi chwe chloch, a chloc gan Joyce o Eglwys Wen sy'n cynnwys eu mecanwaith gollyngiad patent, yn dybyg i "Big Ben".

Fwy na thebyg mai'r gwaith cerrig hynaf yw'r groes gylch Normanaidd, a adeiladwyd yng ngholofn orllewinol y corff, ac mae siafft hindreuliedig croes o'r 14eg ganrif yn sefyll o dan un ywen. Mae cist dderw â gwaith haearn trwm yn dyddio, fwy na thebyg, o'r 15fed ganrif.

Llun o Eglwys Santes Fair Y Forwyn

Yn hynach fyth, ceir croes orymdeithiol Abysinaidd anarferol â chalendr pren mewn llawysgrif Indiaidd, y credir ei bod yn dyddio o'r 6ed ganrif. Trysorau eraill i chwilio amdanynt yw ffenestr ddwyreiniol gan Clayton & Bell a 3 ffenestr Kemp yn yr ale ddeheuol (1890), gyda llofnod "Wheatsheaf" Kemp ar fwcl clogyn y gwr doeth.

Cyfleusterau

Maes Parcio
Toiledau (Cyhoeddus)

Lleoedd i Ymweld Â Nhw

40 milltir o lwybrau troed wedi'u harwyddo'n dda (taflenni ar gael o lyfrgell Owrtyn)
Mae lluniaeth ar gael o amrywiol dafarndai'r ardal. Profwch y croeso lleol yn y bwyty pysgod neu Indiadd.
Mae Bwyty'r Boathouse yn Erbistock gerllaw mewn lleoliad delfrydol.
Maes chwarae i blant yn y pentref â pharcio.