Canolfan Hamdden a Gweithgareddau Plas Madoc - Pethau Plant

Mae’r gweithgareddau rheolaidd i Blant yn cynnwys sgiliau pêl-droed, pêl-droed genethod, pêl-fasged, gwersi trampolîn, cynlluniau gwyliau a rhol-ddisgo. Ceir hyfforddiant strwythuredig gan Glwb Pêl-Rwyd Plas Madoc a Chlwb Rhol-hoci Rocedi Wrecsam. Mae’r Clwb Gymnasteg yn cyfarfod ar ddydd Mercher i blant chwech oed a hyn gyda staff hyfforddedig yn darparu goruchwyliaeth a hyfforddiant.

• Partïon Plant
• Y Gampfa Iau
• Cyrsiau i blant

Sesiynau Hyfforddedig i Blant

Mae amryw o sesiynau hyfforddedig ar gael yng Nghanolfan Hamdden Plas Madoc.

^ yn ôl i'r brig

Cyrsiau i blant

Cysylltwch â'r ganolfan am fwy o wybodaeth am y cyrsiau a phrisiau.

Gwersi Nofio	£48 am 12 wythnos Gwobrau ASA Lefelau 1 - 12

Mae Plas Madoc yn cynnig ystod lawn o wersi nofio gydag athrawon cwbl gymwysedig.

Cynhelir gwersi nofio ar nos Lun a nos Iau.

Gwobrau ASA Lefelau 1 - 12

Lefel 1 (pen bas)

• Mynd i mewn i’r dwr gan droi
• Chwythu swigod am 5 eiliad gyda’r wyneb dan y dwr
• Rhoi’ch pen o dan y dwr chwe gwaith
• Herc/cam/naid ar draws y pwll
• Dod o hyd i nifer o wrthrychau sy’n suddo a’u codi
• Cicio’r coesau bob yn ail gydag arnofyn o’ch blaen am 5 m
• Cicio’r coesau gyda’i gilydd gydag arnofyn am 5 m
• Arnofio ar eich bol gyda’ch wyneb yn y dwr a’ch breichiau wedi’u hymestyn allan
• Nofio 3m ar eich bol heb gynorthwyon
• Arnofio ar eich cefn gyda arnofyn/wogl

Lefel 2 (pen dwfn)

• Gwthio’ch corff fel eich bod yn arnofio wyneb i lawr
• Gwthio’ch corff fel eich bod yn arnofio ar eich cefn
• Casglu amryw o wrthrychau oddi ar lawr y pwll
• Arnofio mewn unrhyw ffordd am 5 eiliad
• Cicio’ch coesau bob yn ail ar eich bol heb arnofyn am 5m
• Cicio’ch coesau bob yn ail ar eich cefn heb arnofyn am 5m
• Nofio ar eich bol gyda’ch wyneb i lawr ac yn symud eich breichiau yn araf am 5m
• Nofio ar eich cefn gan symud eich breichiau’n araf am 5m

Lefel 3

• Neidio i’r dwr yn hyderus
• Mynd ar eich gliniau ar lawr y pwll dan y dwr
• Mynd a’ch corff yn gyfan gwbl dan y dwr am 5 eiliad
• Gorwedd yn wastad ar wyneb y dwr ac yna mynd yn ôl i sefyll.
• Rhodli wrth sefyll
• Cicio’ch coesau bob yn ail ar eich cefn a’ch bol am 5m
• Sefyll gyda’ch wyneb yn y dwr a dangos y ffordd gywir o anadlu wrth nofio ar eich bol.
• Teithio 10m ar eich bol yn defnyddio’ch breichiau a’ch coesau.
• Nofio ar eich bol gan anadlu’n gywir am 10m
• Dangos sut i symud eich breichiau wrth nofio ar eich bol wrth sefyll.

Lefel 4

• Arnofio ar eich cefn am bum eiliad
• Defnyddio’ch dwy law i nôl gwrthrych o waelod y pwll
• O arnofio ar eich bol, rolio a theithio 5m ar eich cefn
• Gwthio a llithro o’r wal am 5m
• Arnofio gyda’r pengliniau wedi plygu am 10 eiliad
• Cicio’ch coesau fel dolffin ar eich bol neu’ch cefn am 5m
• Cicio’ch coesau bob yn ail ar eich bol am 5m heb ddefnyddio’ch dwylo
• Wrth sefyll, dangos sut i nofio fel broga
• Defnyddio’ch breichiau a’ch coesau i deithio 10m ar eich cefn
• Wrth sefyll, dangos sut i symud eich breichiau wrth nofio ar eich cefn

Lefel 5

• Neidio i’r dwr mewn 3 gwahanol ffodd gan ddangos rheolaeth
• Arnofio fel madarchen am 10 eiliad
• Gwthio a llithro ar eich cefn
• Troedio’r dwr am 10 eiliad
• Rhodli a’ch pen yn gyntaf am 5m
• Arnofio a’ch wyneb i lawr a rholio 360 gradd ac yna sefyll
• Cicio’ch coesau mewn arddull nofio ar y bol gan ymestyn eich breichiau am 10m
• Cicio’ch coesau mewn arddull broga gan ymestyn eich breichiau am 10m
• Cicio’ch coesau mewn arddull nofio ar y cefn gan ymestyn eich breichiau
• Teithio 5m gan ddefnyddio’ch breichiau a’ch coesau, rolio, ac yna teithio 5m arall ar eich cefn

Lefel 6

• Deifio ar yr arwyneb yn defnyddio’ch coesau’n gyntaf
• Deifio ar yr arwyneb yn defnyddio’ch pen yn gyntaf
• Arnofio fel seren ar eich cefn am 10 eiliad
• Mynd dan y dwr a theithio 5m at wrthrych, ei godi a nofio’n ôl.
• Troedio dwr am 15 eiliad
• Dechrau trwy wthio a llithro dan y dwr trwy gylch gan deithio 5m
• Nofio ar eich bol am 10m gan anadlu’n rheolaidd
• Nofio ar eich cefn am 10m gan anadlu’n rheolaidd
• Nofio fel broga am 10m gan anadlu’n rheolaidd
• Cicio’ch coesau fel dolffin am 10 eiliad

Lefel 7

• Naid stradl i mewn i’r pwll
• Deifio ar yr arwyneb gan ddefnyddio’ch pen yn gyntaf i gasglu gwrthrych
• Gwthio a llithro gan rolio ymlaen
• Rhodli gan ddefnyddio’ch pen yn gyntaf, troi ar eich cefn, tin tros ben a rhodli am 5m yn defnyddio’ch traed yn gyntaf
• Teithio 20m gan symud eich coesau mewn arddull nofio ar y bol yn effeithlon
• Teithio 20m gan symud eich coesau mewn arddull broga yn effeithlon
• Teithio 20m gan symud eich coesau mewn arddull nofio ar eich cefn yn effeithlon
• Nofio fel broga am 25m
• Nofio ar eich bol am 25m
• Nofio ar eich cefn am 25m

Lefel 8

• Naid twc
• Troedio’r dwr am 30 eiliad
• Tin dros ben tuag yn ôl
• Sefyll ar eich traed
• Cicio’ch coesau mewn arddull pili pala am 20m
• Nofio mewn arddull pili pala am 10m
• Nofio parhaus am 50m
• Dangos sut i gyffwrdd â’ch llaw wrth nofio ar eich bol
• Nofio 25m ar eich bol neu ar eich cefn
• Nofio 25m mewn arddull pili pala neu froga

Rhaid i chi gofrestru cyn dechrau ar gwrs. Mae cofrestru’n amodol ar argaeledd

^ yn ôl i'r brig

Y Gampfa Iau

Sesiynau dan oruchwyliaeth yn yr ystafell ffitrwydd i blant 12 – 15 oed.

Dylai’r holl blant sy’n dymuno mynychu’r sesiwn hon gael sesiwn gyflwyno.  Cynhelir y sesiwn hon i newydd ddyfodiaid am 12.00pm.  Neilltuwch le ymlaen llaw.  Mae angen ffotograff maint llun pasport ar gyfer eu cerdyn ‘defnyddiwr’ hefyd.