 PUR: Ystafell Ffitrwydd Plas Madoc
Mae gan yr ystafell ffitrwydd ystod lawn o offer cardiofasgwlaidd a gwrthiant wedi’u cyflenwi gan Technogym. Mae gan yr ystafell bwysynnau gyfuniad o offer Technogym a Cybex, a dyma’r unig un o’i math ym Mwrdeistref Sirol Wrecsam. Mae’r ystafell 45 gorsaf yn darparu ar gyfer pob lefel gallu a ffitrwydd. Mae gan ystafell ffitrwydd Pur Plas Madoc dîm o hyfforddwyr cwbl gymwysedig a phrofiadol, sy’n gallu cynnig rhaglenni a chyngor sy’n addas ar gyfer ffyrdd o fyw, nodau ac uchelgeisiau unrhyw unigolyn. Mae’r tîm hefyd yn cyfrannu at gynlluniau iechyd lleol megis atgyfeiriadau meddygon teulu (Dechrau o’r Newydd) ac adfer y galon ar lefel cyfnod IV.
- Ceir mynediad at ein cynllun Dechrau o’r Newydd trwy atgyfeiriad gan feddyg teulu neu nyrs practis. Mae’r gweithiwr proffesiynol meddygol yn atgyfeirio’r claf i’r gweithiwr proffesiynol ymarfer corff sy’n manylu’r presgripsiwn ymarfer corff.
- Mae adferiad y galon cyfnod IV yn dilyn ymlaen o’r ysbyty yn seiliedig ar raglen cyfnod III sy’n ymdrin â chleifion sy’n dioddef o glefyd coronaidd y galon.
Ni chaiff plant eu heithrio yn Pur. Bob prynhawn dydd Sul, cynhelir ein sesiwn ffitrwydd i blant o 12 - 1pm neu 1 - 2pm. Caiff pob sesiwn ei goruchwylio gan aelod o staff y tîm ffitrwydd. Gall plant 12 - 15 oed fwynhau ymarfer corff strwythuredig mewn amgylchedd diogel a hwyliog.
Cysylltiadau
 Beth yw offer Technogym (cyswllt allanol)
Beth yw offer Cybex (cyswllt allanol)
Pur Oriau Agor >>
^ yn ôl i'r brig
Gwelyau Haul
Cadwch eich lliw haul trwy gydol y flwyddyn trwy ddefnyddio un o’r tri gwely haul sydd ar gael yng Nghanolfan Hamdden a Gweithgareddau Plas Madoc. Mae gennym 2 wely haul ac un uned fertigol (cawod haul). Maent i gyd yn welyau lliw haul cyflym 10 munud ac maent ar gael i’w neilltuo mewn slotiau o 20 munud. Mae Plas Madoc yn aelod o’r Gymdeithas Gwelyau Haul, sy’n monitro ac yn hyrwyddo arferion diogel i sicrhau eich bod yn cael y lliw haul perffaith.
MAE’R HAUL YN TYWYNNU BOB AMSER YNG NGHANOLFAN HAMDDEN PLAS MADOC!!
^ yn ôl i'r brig
Ystafell Sawna/Stêm
Dewch i ymlacio a dadflino yn ein hystafelloedd sawna a stêm cymysg. Mae tymheredd poeth y sawna wedi’i osod ar 90° a dyma’r lle perffaith i ymlacio ar ôl ymarfer corff. Mae’r ystafell stêm yn cynnwys arogl ewcalyptws er mwyn agor eich llwybrau anadlu. Mae’r man hwn yn cynnwys ardal ymlacio fawr lle gallwch eistedd a chymdeithasu mewn amgylchedd tawel.
^ yn ôl i'r brig
Dosbarthiadau Ffitrwydd
Mae Plas Madoc yn cynnig amrywiaeth o ddosbarthiadau ffitrwydd – o heini-baffio i erobeg a ddarperir ar gyfer pob lefel. Bydd ein hyfforddwyr yn eich arwain trwy sesiwn ymarfer corff gyfan ac yn eich cymell i gyrraedd eich nodau. Caiff pob dosbarth ei ddiweddaru’n barhaus gyda’r offer a’r symudiadau diweddaraf i’ch cadw ar flaen eich camp.
Os byddwch am gael sesiwn ymarfer llai dwys, rhowch gynnig ar un o’n dosbarthiadau erobeg neu ddŵr niferus. I’r rheiny ohonoch sydd wedi arfer â dosbarthiadau dwys, mae ein dosbarthiadau heini-baffio a hyfforddiant cylchol yn wych!!
Amserlen Dosbarthiadau Ffitrwydd >>
Oriau Agor
|
Yn ôl i'r brig