Prosiect Llwybrau Cerdded Brymbo

25.05.07

Ian ac Andy Jones o Footprint Conservation Ltd yn twtio'r gamfa ar lwybr cerdded 24 ger Pwll Brymbo.

Prosiect Llwybrau Cerdded Brymbo

Mae cymuned Brymbo wedi bod yn gweithio gyda Chyngor Bwrdeistref Sirol Wrecsam dros y 12 mis diwethaf i wella'r rhwydwaith llwybrau cerdded yn eu hardal.

Mae'r grŵp llwybrau cerdded cymunedol yn cynnwys Carolyn Griffiths, Steve Tilston, Derek Griffiths, Colin Davies, Dilwyn Griffiths, Garth Jukes, a Ken Monti ac maent i gyd wedi bod allan yn archwilio hawliau tramwy cyhoeddus Brymbo, Bwlchgwyn a Than-y-fron a chreu adroddiad am gyflwr y llwybrau.  Lluniwyd rhestr o'r gwaith sydd angen ei wneud ac mae'r contractwyr bellach yn gorffen amryw o dasgau.  Mae clwydi, camfeydd a phontydd newydd wedi'u codi ac mae sawl can metr o lystyfiant a oedd wedi gordyfu wedi'i glirio.

Caiff y prosiect ei ariannu gan Gyngor Wrecsam a Chyngor Cefn Gwlad Cymru ar sail 50/50.  Mae Groundwork Wrecsam a Sir y Fflint yn rheoli'r gwaith maes ac yn sicrhau bod y cyllid yn cael ei wario'n ddoeth.

Nod y Cyngor yw agor yr holl lwybrau mewn cyflwr diogel a hyrwyddo defnydd ohonynt.  Bydd Grŵp Llwybrau Cerdded Cymunedol Brymbo a gwirfoddolwyr eraill yn cerdded ar hyd y llwybrau o leiaf unwaith y flwyddyn ac yn torri unrhyw lystyfiant blynyddol sy'n dechrau gorchuddio'r camfeydd.  Byddant yn hysbysu'r Cyngor o unrhyw broblemau mwy ac mae'r Cyngor wedi addo rhoi blaenoriaeth i faterion tebyg cyn belled a bod adnoddau ar gael.  Dylai hyn sicrhau bod y llwybrau'n aros ar agor ac mewn cyflwr da am sawl blwyddyn i ddod.

Gobeithir y daw teithiau cerdded o'r pentrefi a drefnir gan Crwydro Wrecsam ac a arweinir gan wirfoddolwyr yn nodwedd reolaidd.  Dylai unrhyw un sydd â diddordeb yn y prosiect neu'r teithiau cerdded gysylltu ag Alison Whitley ar 01978 297194 neu Groundwork ar 01978 757524.

Ffn: 01978 292057
Ebost: rightsofway@wrexham.gov.uk

yn ôl i'r brig

Cyswllt i

Newyddion
Hysbysiadau
Hawliau Tramwy Cyhoeddus