chwaraeon@wrexham

Rhifyn 6. Gwanwyn 2006.

Gwobrau Chwaraeon 2006

Ar 30ain Mai 2006, ar y cyd â Chyngor Chwaraeon Rhanbarthol Wrecsam, cynhaliodd Tîm Datblygu Chwaraeon Wrecsam ei 3ydd Noson Gwobrau Chwaraeon flynyddol.

Nod y noson yw anrhydeddu a chydnabod cyflawniadau ac ymroddiad y bobl hynny sy’n gysylltiedig â chwaraeon yn Wrecsam. Cynhaliwyd y digwyddiad yn ystod wythnos genedlaethol y gwirfoddolwyr ac fe helpiodd hyn ni i godi proffil hyfforddwyr a gwirfoddolwyr lleol sy’n gweithio’n galed gyda chlybiau chwaraeon yn y gymuned leol.

Cynhaliwyd y Noson Wobrwyo unwaith eto yng Nghanolfan Chwaraeon a C h y m d e i t h a s o l newydd sbon Brymbo ac roedd dros 350 o bobl yn bresennol.

Huw Jones, Prif Weithredwr Cyngor Chwaraeon Cymru oedd siaradwr gwadd y noson. Soniodd am agenda newidiol Cyngor Chwaraeon Cymru, sy’n cynnwys mwy o ffocws ar y mentrau iechyd fel modd o gael mwy o bobl yn fwy gweithgar.

Roedd gwesteion y noson yn cynnwys cystadleuwyr o Wrecsam a gynrychiolodd Cymru yng Ngemau’r Gymanwlad ym Melbourne. Cyflwynwyd cydnabyddiaeth i bob un ohonynt gan Faer Wrecsam am eu cyflawniadau.

Denodd y gwobrau eleni dros 150 o enwebiadau o feysydd chwaraeon amrywiol a chafwyd nifer fawr o bleidleisiau dros y ffôn ar gyfer Personoliaeth Chwaraeon Hÿn y flwyddyn a gynhaliwyd yn y Wrexham Evening Leader.

Enillwyr 2006 oedd:

• Gwirfoddolwr Iau'r Flwyddyn - Sian Smith
• Gwirfoddolwr Hÿn y Flwyddyn – Rachel Pearce
• Personoliaeth Iau'r Flwyddyn - Lowri Tynan
• Personoliaeth Hÿn y Flwyddyn – Lydia Johnson
• Tîm y Flwyddyn -Tîm Cleddyfaeth Iau'r Gymanwlad yn Wrecsam
• Clwb y Flwyddyn – Clwb Cleddyfaeth Wrecsam
• Hyfforddwr y Flwyddyn - Jayne Hanlon
• Ysgol Gynradd y Flwyddyn- Ysgol yr Holl Saint, Gresffordd
• Ysgol Uwchradd y Flwyddyn – Ysgol Sant Christopher
• Personoliaeth Chwaraeon Anabledd y Flwyddyn - Stephen Davies
• Gwobr Sbortsmonaeth - Ashley Edwards
• Gwasanaeth i Chwaraeon – Ray Jones

Mae’r Uned Datblygu Chwaraeon yn chwilio’n ddyfal am bobl i ymuno â Chyngor Chwaraeon Rhanbarthol Wrecsam. Gall unrhyw un sydd â diddordeb mewn dod yn aelod gysylltu â’r Tîm Datblygu Chwaraeon ar 01978 297366.

Gweler y tudalennau canol am ffotograffau o’r noson.

chwaraeon@wrexham

Mae'r ddogfen yma ar gael i ddadlwytho yn y fformat isod:

chwaraeon@wrexham - Fersiwn PDF 1.5Mb