Menter Nofio am Ddim Llywodraeth Cynulliad Cymru

Mae nofio am ddim yn fenter gan Lywodraeth Cynulliad Cymru ac mae wedi'i hanelu at blant a phobl ifanc 16 oed ac iau a phobl hŷn 60 oed ac yn hŷn.

Mae gan y fenter nofio am ddim nifer o amcanion:

• Gwella iechyd y wlad
• Datblygu ac atgyfnerthu cymunedau
• Cael gwared ar rwystrau a gwella mynediad i blant / pobl ifanc / pobl anabl / lleiafrifoedd ethnig / pobl hŷn
• Pontio'r bwlch rhwng bechgyn a merched o ran cyfranogiad
• Symbylu cyfranogiad gweithredol yn y Gymraeg a'r Saesneg
• Gwella safonau nofio
• Ymgysylltu â phobl ifanc i ddatblygu diddordeb mewn gweithgareddau eraill

Nofio am ddim yn Wrecsam

Cynigir nofio am ddim yn Wrecsam i bob plentyn ac unigolyn ifanc yn ystod gwyliau'r ysgol ac i rai dros 60 oed yn ystod tymor yr ysgol.  Gwiriwch gyda'ch canolfan leol i gael amseroedd nofio am ddim a sylwer bod gwahanol sesiynau'n cael eu cynnig bob dydd, megis sesiynau i deuluoedd, sesiynau blasu mewn gwahanol chwaraeon dŵr megis polo dŵr, gwersi nofio, sesiynau blasu'r clwb nofio, sesiynau hwyl, nofio mewn lonydd a nofio am ddim yn gyffredinol.  Sylwer bod y gweithgareddau a gynigir yn amrywio o safle i safle.

Datblygu Nofio a Gweithgareddau Dwr