Clybiau nofio

Cysylltiadau â Chlybiau Nofio

Mae Cynllun Nofio Sir Wrecsam yn datblygu cysylltiadau â Chlwb Nofio Wrecsam a Chlwb Nofio Dreigiau'r Waun ar hyn o bryd.  Gwahoddir y plant sy'n cyflawni lefel 7 i ymuno â Chlwb Dreigiau'r Dŵr WASA.  Mae Clwb Dreigiau'r Dŵr yn glwb cyswllt i'r clybiau nofio.  Wrth ymuno â'r dreigiau'r dŵr (ar ôl talu ffi mynediad, sy'n cwmpasu ffioedd WASA am flwyddyn) byddant yn cael pecyn o nwyddau am ddim ac yn cael eu hargymell i ymuno â chlwb nofio lleol.  Ar ôl hynny byddai gofyn i nofwyr dalu ffioedd y clwb.  Yn y clybiau nofio gallant barhau i ddilyn Camau 8-10 Cynllun Cenedlaethol ASA a gwobrau eraill megis Gwobr Dechrau Cystadlu (Deifio), bathodynnau pellter, gwobrau cyflymder, gwobrau cyn cystadlu.

Gwahoddir pob nofiwr sydd ar lefel 8-10 i sesiwn rhagflas eu clwb nofio lleol.  Mae hwn yn ffordd arall o ymuno â’r clybiau.

Caiff clybiau nofio eu gwahodd hefyd i fynd i nifer o wersi nofio ysgol (yn dilyn ymgynghoriad ag ysgolion ac athrawon nofio) i nodi nofwyr ifanc dawnus.  Bydd cynrychiolwyr y clwb hefyd yn rhoi cyflwyniadau byr i'r nofwyr am eu clwb.  Mae'r clybiau nofio hefyd yn gysylltiedig â chynnal pob gala nofio i ysgolion, gan ddarparu beirniaid lonydd, dechreuwyr a dyfarnwyr.

Nofio'r ysgol

Fel rhan o'r Cwricwlwm Cenedlaethol, mae holl blant cyfnod allweddol 2 yn gorfod cymryd rhan mewn gwersi nofio ac mae'r Llywodraeth yn disgwyl i bob plentyn allu nofio 25 metr heb help pan fyddant yn gadael yr ysgol gynradd. Felly mae pob pwll ar draws y fwrdeistref yn darparu gwersi nofio ysgol yn ystod y tymor o ddydd Llun i ddydd Gwener (dyddiau/amseroedd yn amrywio ym mhob pwll).  Mae rhai ysgolion yn dewis dod â phlant cyfnodau allweddol 1, 3 a 4 hefyd.

Datblygu Nofio a Gweithgareddau Dwr