Er mai gwlad fach ydi Cymru, mae
hi wedi cynhyrchu rhai o gewri byd pêl-droed. Er eu bod nhw wedi
bod yn israddol yn broffesiynol ers 1876, mae'n pêl-droedwyr gorau
wedi perfformio campau hudol o flaen ein llygaid.
Gyda help rhai o haneswyr y gêm rydym ni wedi dewis ein Dewiniaid
Cymreig. Fel unigolion, maen nhw ymhlith y goreuon a welodd y byd. Gyda'i
gilydd maen nhw'n cynrychioli'r gorau ym mhêl-droed Cymru.
Hwyrach na fyddwch chi'n cytuno gyda'n dewis. Mae rhai chwaraewyr allan
o'u safle arferol ond doedd dim modd i ni eu gadael; nhw allan. Mae gan
bob cenhedlaeth ei fferfrynnau ar y cae. Fe gewch gyfle i ychwanegu eich
ffefrynnau chi at yr arddangosfa. Tan hynny...
A fyddai'n chwaraewyr ni wedi medru chwarae gyda'i gilydd?
Yn ôl yn y 19 ganrif y trefniant arferol oedd
2-2-6. Roedd y blaenwyr yn ymosod ar eu pennau'u hunain. Dim ond yn anaml
roedden nhw'n pasio'r bêl. Roedd hynny cyn i'r Albanwyr ddangos
y ffordd. 2-3-5 oedd y trefniant arferol cyn yr Ail Ryfel Byd. Mae timau
modern yn chwarae 4-4-2. Roedd gêm pob cyfnod yn wahanol. Pwy sydd
i farnu pa un ydi'r gorau?
Oeddech chi'n gwybod bod yr FA wedi llunio'r rheol
'Byth ar Ddydd Sadwrn'? Roedd hon yn rhwystro chwaraewyr o Gymry oedd
yn chwarae i dimau yn Lloegr chwarae i'w gwlad. Dim ond yn ystod yr wythnos
waith y gallen nhw wneud hynny. Ymgyrchu diflino gan Ted Robbins a lwyddodd
i ddileu'r rheol yn 1934.
|
English
Yn ôl i'r brig