|
Roedd Mawrth 25 1876 yn ddiwrnod hanesyddol. Cerddodd
unarddeg o ddynion ar y cae a gwneud rhywbeth nad oedd neb wedi'i wneud
o'r blaen; chwarae pêl-droed i Gymru. Yn anffodus, fe gollodd Cymru
4-0, ond roedd yr Albanwyr wedi bod yn ymarfer ers pedai blynedd.
Pwy oedd yr ysbrydoliaeth tu ôl i dim pêl-droed cyntaf
Cymru?
Yn Ionawr 1876 gwelodd Llewelyn Kenrick o Riwabon lythyr yn un o bapurau
sbort Llundain yn herio'r Cymry i greu tim pêl droed. Penderfynodd
Kenrick ymateb i'r her. Hysbysebodd am chwaraewyr a chynhaliodd dreialon
yn Wrecsam.
Nid ar ei ben ei hun y gwnaeth Kenrick y gwaith yma. Aeth ati, gyda nifer
o ffrindiau brwdfrydig, i greu Cymdeithas Pêl-droed Cymru er mwyn
cael help i drefnu'r tim.
Cafodd y geiriau 'Cymdeithas Pêl-droed Cymru' eu hysgrifennu am
y tro cyntaf mewn cyfarfod yng ngwesty'r Wynnstay, Wrecsam ar Chwefror
2 1876.
Yn stafell ddawns Gwesty'r Wynnstay, Rhiwabon y carodd cyfansoddiad CPC
ei lunio. Aeth y dadlau ymlaen mor hi fel eu bod nhw wedi gorfod galw'r
plismon lleol i mewn i alw stop-tap. Wrth Iwc roedd Syr Watkin Williams
Wynn yno. Syr Watkin oedd yr YH lleol ac fe aeth i'r Llys, oedd yn yr
adeilad drws nesaf, ac ymestyn oriau agor y gwesty er mwyn iddyn nhw fedru
gorffen y gwaith.
Beth ydych chi'n gael os ydych chi'n tynnu dau dwrnai,
meddyg, myfyriwr diwinyddiaeth, clerc yswiriant, dyn tan, milwr, glowr,
gwneuthurwr potiau simne a gwertwr coed at ei gilydd?
Tim pêl-droed cyntaf Cymru.
Cwestiwn
Ydych chi'n gwybod y gwahaniaeth rhwng dribliwr a
llaw-wyr yn y 19 ganrif?
Ateb
Roedd driblwyr yn chwarae fel pêl-droedwyr modern.
Roedd llaw-wyr yn chwarae fel chwaraewyr rygbi modern.
|
English
Yn ôl i'r brig