Atal Damweiniau i Bobl Hyn

Hawdd iawn yw credu ein bod yn ddiogel o fewn ein cartrefi ein hunain, ond gartref, rydym yn aml yn llai gofalus nag ydym y tu allan. Mae'r dudalen hon yn cynnwys gwybodaeth am sut i leihau'r perygl o gael damwain yn eich cartref.

Y damweiniau mwyaf cyffredin sy'n digwydd yn y cartref yw:

  • Llithro, baglu a disgyn
  • Llosgi a sgaldio
  • Gwenwyno damweiniol

Ewch i Brofi eich Llygaid

Caiff pobl dros 60 profion llygaid am ddim bob 2 flynedd. Cysylltwch ag optegydd am fanylion pellach.

Esgidiau a Sliperi

Rydych yn fwy tebygol o lithro, baglu neu ddisgyn os ydych yn gwisgo:

  • Sliperi rhyd neu rai sydd heb gefn
  • Sandalau
  • Esgidiau sydd â sodlau uchel

Gwisgwch esgidiau fflt neu rai sydd â gwadnau tenau neu sawdl annatod.

Y Cartref

Y Lolfa

  • Symudwch unrhyw lanastr er mwyn ei wneud yn haws symud o gwmpas.
  • Ceisiwch osgoi cadeiriau ag olwynion fel na allent symud wrth i chi sefyll neu eistedd.

Pan fyddwch yn codi o'r gwely neu o gadair ar ôl eistedd am gyfnod hir, mae'n syniad da gwneud hyn mewn camau araf.

Mae gostyngiad sydyn mewn pwysedd gwaed yn aml yn achosi i chi deimlo'n benysgafn wrth sefyll yn gyflym.

Ceisiwch dynhau eich breichiau a'ch coesau sawl gwaith cyn i chi sefyll gan fod hyn yn aml yn helpu.

Grisiau

  • Goleuwch eich grisiau. Cynnwch oleuadau ar dop ac ar waelod y grisiau.
  • Defnyddiwch y ganllaw. Gall canllawiau y ddwy ochr i'r grisiau ei wneud yn haws i'w dringo.
  • Peidiwch â rhuthro.
  • Gwnewch yn siwr nad oes llanastr ar y grisiau a'r pen grisiau.

Cymerwch Ofal yn y Baddon a'r Gawod

  • Peidiwch â sgaldio - rhedwch ddwr poeth ac oer gyda'i gilydd.
  • Defnyddiwch fat gwrth-lithro yn y baddon ac yn y gawod.
  • Gosodwch ganllawiau i'ch helpu i gadw'ch cydbwysedd wrth fynd i mewn a dod allan o'r baddon a'r gawod.

Coginio

  • Peidiwch byth â llenwi padell sglodion fwy na thraean yn llawn.
  • Defnyddiwch amserydd i'ch atgoffa pan fo'ch bwyd yn barod.
  • Gwnewch yn siwr y caiff pob offeryn coginio ei ddiffodd ar ôl i chi orffen coginio.
  • Cadwch bob dim sydd ei angen arnoch wrth law neu mewn lle y gellwch ei gyrraedd yn hawdd.

Alcohol

Mae damweiniau'n fwy tebygol ar ôl yfed alcohol. Mae hyn oherwydd ei fod yn arafu ein gallu i ymateb i sefyllfaoedd sy'n codi.

Ffisig

  • Cymerwch ffisig yn unol â chyfarwyddyd eich Meddyg neu fferyllydd.
  • Peidiwch byth â chymryd ffisig a ragnodwyd ar gyfer rhywun arall.
  • Cadwch ffisigau yn eu pecynnau gwreiddiol.
  • Storiwch ffisigau gyda'i gilydd.
  • Cadwch ffisig allan o gyrraedd plant.
  • Siaradwch â'ch Meddyg os ydych yn credu bod eich ffisig yn gwneud i chi deimlo'n flinedig neu'n benysgafn.
  • Gofynnwch wrth eich fferyllydd os oes rhywbeth am eich ffisig nad ydych yn siwr ohono.

Diet

Rydych yn fwy tebygol o ddisgyn os ydych wedi methu prydau bwyd neu os oes gennych ddiet gwael. Ceisiwch beidio â methu prydau bwyd.

Os ydych yn ei chael hi'n anodd coginio:

Gall Wiltshire Farmfoods ddarparu prydau bwyd parod wedi'u rhewi yn uniongyrchol i'ch drws . I gael llyfryn lliw am ddim ffoniwch RHADFFÔN 0800 773 773.

Mae'r rhan fwyaf o archfarchnadoedd hefyd yn gwerthu prydau bwyd parod.

Mae sawl cwmni lleol yn cynnig bwydlen amser cinio â phris penodol ar gyfer pobl dros 60.

Diogelwch Tân yn y Cartref

Sicrhewch fod larwm dân sy'n gweithio yn eich cartref - nid yw larymau tân yn atal tanau ond maent yn rhoi rhybudd cynnar.

  • Peidiwch byth ag ysmygu yn y gwely.

  • Cadwch wresogyddion cludadwy oddi wrth lenni a dodrefn.

  • Defnyddiwch flancedi trydan yn unol â chyfarwyddiadau'r gwneuthurwr. Gwnewch yn siwr y cânt eu trin yn rheolaidd, ac amnewidiwch flancedi sydd fwy na 10 mlwydd oed neu sy'n dechrau gwisgo.

I drefnu gwiriad diogelwch tân yn y cartref ffoniwch: 0800 169 1234

Cadwch yn Heini

Rydych yn fwy tebygol o ddisgyn os oes gennych gyhyrau gwan a chydbwysedd gwael.

Ffordd dda o gryfhau'ch cyhyrau a gwella'ch cydbwysedd yw cadw'n heini.

  • Ceisiwch wneud o leiaf 30 munud o weithgarwch corfforol bob dydd.
  • Gall ymarfer corff fod yn hwyl - peidiwch â gadael i'ch oedran eich rhwystro!
  • Rhowch gynnig ar rywbeth newydd a dewch o hyd i rywbeth rydych yn ei fwynhau.

Cyfeirlyfr 50+

Mae EXTEND yn ddosbarth symud i gerddoriaeth a luniwyd yn arbennig ar gyfer pobl hyn.

Mae ar gael ar hyn o bryd yn Springfield (llety ymddeol yn Rhosddu) dydd Llun 2.30pm

Cerdded o Gwmpas Wrecsam

Arweinir y teithiau cerdded gan arweinwyr cerdded gwirfoddol sy'n wedi'u hyfforddi, ac maent yn addas i bobl o bob oedran a gallu. Mae'n gyfle da i gwrdd â phobl newydd, cael peth awyr iach a gwella eich ffitrwydd.

Am fwy o wybodaeth am deithiau cerdded lleol cysylltwch ag Anna Pollard neu Alison Puddle ar 01978 757524.

  • Cyn dechrau gwneud gweithgarwch corfforol, siaradwch â'ch meddyg
  • Dechreuwch yn araf
  • Gweithiwch i fyny'n araf
  • Peidiwch â cheisio gwneud mwy na'r hyn sy'n gyffyrddus

Gweithgareddau Atal Damweiniau

Fideo

Mae fideo'n cael ei gynhyrchu i amlygu'r peryglon sydd yng nghartrefi pobl hyn, a sut y gellir gwneud newidiadau bychain i leihau'r peryglon hyn.

Rhestr wirio diogelwch yn y cartref

Caiff hon ei dosbarthu gyda'r fideo a gellir ei defnyddio fel nodyn i'ch atgoffa sut i wneud eich cartref yn fwy diogel.

Neges mewn Potel

Cynllun sy'n rhoi manylion hanfodol bwysig i'r gwasanaethau brys gan gynnwys perthnasau agosaf, afiechydon, alergeddau ac ati.

Cedwir y wybodaeth hon mewn potel blastig yn yr oergell.

Gellir cael Neges mewn Potel mewn fferyllfeydd, llyfrgelloedd, gan nyrsys ardal, meddygfeydd a mannau addoli.

Gwybodaeth Bellach

Cysylltwch â'r Tîm Atal Damweiniau:

Linda Mullock neu Michelle Stanley
Ffôn: 01978 297018 neu 01978 297068.

yn ôl i'r brig

Cyswllt i
Genedigaeth
Cyn-ysgol
Ysgol
Gadael Ysgol
Gyrfaoedd
Priodas
Symud Cartref
Ymddeoliaid
Profedigaeth
Gwybodaeth Iechyd Cymunedol
Ymdrin Ag Anabledd
Ymdrin  Throseddau
Bod yn Ofalwr
Cyfnodau Bywyd