Nodyn Cyfarwyddyd Rheoli Adeiladu Rhif 1 - Deall y Gwasanaeth Rheoliadau Adeiladu

Dyma un o gyfres o nodiadau cyfarwyddyd rheoli adeiladu sy'n anelu at esbonio gweithdrefnau'r rheoliadau adeiladu.

Deall y Gwasanaeth Rheoliadau Adeiladu

Pryd fydd raid i mi gael Caniatâd Rheoliadau Adeiladu?

• Pan fyddwch yn adeiladu neu'n rhoi estyniad ar adeilad.
• Pan fyddwch yn addasu adeilad yn faterol e.e. yn gwneud addasiadau i'r strwythur.
• Pan fyddwch yn ymestyn neu'n addasu gwasanaeth dan reolaeth mewn adeilad e.e. draeniad newydd neu ddraeniad sydd yno'n barod.
• Pan fyddwch eisiau newid defnydd sylfaenol yr adeilad.

Oes yna unrhyw waith adeiladu sydd wedi ei eithrio rhag gorfod cael y caniatâd Rheoliadau Adeiladu?

Oes - darllenwch Nodyn Cyfarwyddyd Rheoli Adeiladu Rhif 6 - Gwaith Adeiladu a Eithrir o'r Rheoliadau Adeiladu.

Beth yw ystyr newid defnydd?

• Os nad oedd adeilad yn annedd yn wreiddiol ond mae'n cael ei ddefnyddio fel annedd yn awr.
• Os ydi adeilad yn cynnwys fflat nad oedd yno o'r blaen.
• Pan fydd adeilad wedi'i ddefnyddio fel gwesty, ysbyty, cartref preswyl neu fusnes gwely a brecwast os nad ydoedd o'r blaen.
• Pan fydd adeilad yn troi'n adeilad cyhoeddus (e.e. ysgol, theatr, neuadd, eglwys) lle nad ydoedd o'r blaen.
• Pan fydd adeilad sy'n cynnwys un annedd, yn cynnwys nifer mwy neu lai o anheddau nag ydoedd o'r blaen.
• Pan fydd adeilad oedd wedi ei eithrio rhag gofynion y rheoliadau yn peidio â bod yn eithriedig mwyach.

Wedi i chi ddarllen y Nodyn Cyfarwyddyd Rheoli Adeiladu Rhif 6 - Gwaith Adeiladu a Eithrir o'r Rheoliadau Adeiladu. dylech benderfynu a fydd raid i'ch cynigion ar gyfer eich adeilad dderbyn caniatâd Rheoliadau Adeiladu a/neu ganiatâd cynllunio. Os bydd gennych unrhyw amheuon ffoniwch (01978) 292050 a bydd Tirfesurydd Rheoliadau Adeiladu yn falch i roi cyngor i chi.

Rwy'n credu bod angen caniatâd Rheoliadau Adeiladu arnaf. Beth ddylwn i ei wneud nesaf?

Mae yna ddwy ffordd o wneud cais am ganiatâd rheoliadau adeiladu:-

• Naill ai drwy gyflwyno CYNLLUNIAU LLAWN i ni, neu
• drwy gyfrwng y drefn RHYBUDDIO AM ADEILADU.

Nodwch, os ydych chi'n cynnig codi annedd sydd â'i wyneb ar stryd, neu adeilad sy'n cynnwys swyddfeydd, siopau, gwestai, tai gwely a brecwast, ffatrïoedd ac ati, mae'n rhaid i chi gyflwyno CYNLLUNIAU LLAWN.

Beth yw'r gwahaniaethau rhwng y ddwy drefn?

Dyma fanteision y drefn CYNLLUNIAU LLAWN:-

• Byddwn yn eich cynghori chi am y Rheoliadau Adeiladu ar gam cynllunio eich project, sy'n golygu bod eich cynlluniau'n fwy tebygol o gael eu pasio gan yr Awdurdod Lleol mor gyflym ag sy'n bosib.
• Byddwn yn ceisio rhoi penderfyniad i chi o fewn tair wythnos.
• Byddwn yn anfon copi o'r cynlluniau cymeradwy atoch ar gyfer eich cofnodion.

Dyma fanteision y drefn RHYBUDDIO AM ADEILADU:-

• Lle mae'r cynigion adeiladu ar gyfer gwaith bach, mae'r drefn Rhybudd am Adeiladu yn symlach na'r drefn Cynlluniau Llawn. Fodd bynnag, mae yna gyfyngiadau ar ei ddefnydd, fel y gwelwch dros y dudalen.
• Mae'n syniad da i ddefnyddio Rhybudd am Adeiladu os nad yw'r gwaith cynigiedig yn rhy eang neu gymhleth, ond cadwch eich llygad yn agored am gynlluniau cymhleth neu anarferol e.e. yn aml iawn mae angen darparu gwybodaeth gefnogol ychwanegol ar gyfer trawsnewid atig, megis darluniau manwl o'r cynllun a chyfrifiadau peirianegwyr strwythurol - mae unrhyw oedi i ddarparu gwybodaeth fel yma'n gallu rhwystro datblygiad y gwaith ar y safle. Felly, rydym yn argymell yn gryf fod pob cynllun ar gyfer y gwaith wedi eu cytuno cyn i'r gwaith gychwyn ar y safle.
  

Fydd raid i mi dalu am y caniatâd Rheoliadau Adeiladu?

Bydd, mae'n rhaid i ni godi ffi am weinyddu'r Rheoliadau Adeiladu. Bydd y swm cychwynnol y bydd yn rhaid i chi ei dalu yn dibynnu a ydych yn dewis y CYNLLUNIAU LLAWN neu'r trefnau RHYBUDDIO AM ADEILADU. Cysylltwch Rheoli Adeiladu i weithio allan faint fydd y ffi cywir o'r 'Gynllun Ffïoedd' Wrecsam, Rhif ffôn (01978) 292050.

Os bydda i'n dewis y drefn Cynlluniau Llawn, beth ddylwn i ei wneud?

Darllenwch y daflen Nodyn Cyfarwyddyd Rheoli Adeiladu Rhif 3 - Gwneud Cais am Gymeradwyaeth - mae'n arweiniad syml cam wrth gam. Os ydych yn parhau'n ansicr ynglyn â'r hyn y dylech ei wneud, ffoniwch y Tirfesurydd Rheoliadau Adeiladu os gwelwch yn dda i gael sgwrs anffurfiol ar (01978) 292050.

Os bydda i'n dewis y drefn Rhybuddio am Adeiladu, beth ddylwn i ei wneud?

Darllenwch y daflen Nodyn Cyfarwyddyd Rheoli Adeiladu Rhif 3 - Gwneud Cais am Gymeradwyaeth - mae'n arweiniad syml cam wrth gam. Os ydych yn parhau'n ansicr ynglyn â'r hyn y dylech ei wneud, ffoniwch y Tirfesurydd Rheoliadau Adeiladu os gwelwch yn dda i gael sgwrs anffurfiol ar (01978) 292050.

Pryd ga'i ddechrau gweithio?

Nid oes raid i chi aros i'r cynlluniau gael eu pasio cyn i chi ddechrau gweithio. Ond, os byddant wedi eu pasio, mae hynny'n eich amddiffyn chi rywfaint yn erbyn costau dianghenrhaid. Ar ôl i chi roi Rhybudd am Adeiladu i ni, neu ar ôl i chi anfon cynlluniau atom, gallwch ddechrau gweithio ar yr amod eich bod yn cysylltu â ni ac yn trefnu i Dirfesurydd ddod i wneud archwiliad. Efallai y byddwn yn gofyn am wybodaeth gennych i gyfiawnhau eitemau penodol (e.e. cyfrifiadau strwythurol ar gyfer trawstiau pren a gwaith dur).

Os byddwch yn cario ymlaen gyda'r gwaith heb roi gwybod i ni, efallai y bydd raid i chi dynnu'r gwaith i lawr fel bod y Tirfesurydd Rheoliadau Adeiladu'n gallu gwneud yn siwr ei fod o'n cydymffurfio â'r Rheoliadau. Bydd ein Tirfesurydd Rheoliadau Adeiladu'n gweithio'n agos gyda'ch contractiwr chi i wneud yn siwr bod eich project yn rhedeg yn esmwyth, o fewn yr amser gofynnol, ac yn unol â'r Rheoliadau Adeiladu.

Efallai y bydd Deddf y Wal Gydrannol ac ati 1996 yn berthnasol yn y fan yma, ac efallai hefyd y bydd raid i chi roi rhybudd statudol i berchennog yr adeilad nesaf atoch i geisio'i gytundeb ef i'ch cynigion cyn i chi ddechrau'r gwaith. Os byddwch eisiau mwy o gyngor neu arweiniad, gofynnwch os gwelwch yn dda.

Gweler: Nodyn Cyfarwyddyd Rheoli Adeiladu Rhif 9 - Eich Prosiect Adeiladu a Deddf Mur Cyd 1996.

Gweler hefyd y daflen: 'Y Deddf Mur Cyd 1996', ar gael yn eich derbynfa neu yr Llyfrygell Wrecsam.

Ffenestri/drysau newydd i gymryd lle hen rai.

Gweler: Nodyn Cyfarwyddyd Rheoli Adeiladu Rhif 4 - Rhoi Ffenestri/Drysau Newydd Mewn Anheddau Sy'n Bodoli Barod

I gael mwy o wybodaeth cysylltwch â'r:

Prif Swyddog Cynllunio, Stryt y Lampint, Blwch SP 1290, Wrecsam, LL11 1WL.

EBost: planning@wrexham.gov.uk
Ffôn: 01978 292050
Ffacs: 01978 292502

Mabwysiadwyd Hydref 2002.

Mae copi o ddaflen hon ar gael i'w lawr lwytho yn y ffurf ganlynol:

Mae copi o ddaflen hon ar gael i'w lawr lwytho yn y ffurf ganlynol - Fersiwn PDF 221Kb  

Mynegai Nodiadau Cyfarwyddyd Rheoli Adeiladu

Mynegai Rheoli Adeiladu