Nodyn Cyfarwyddyd Rheoli Adeiladu Rhif 3 - Gwneud Cais am Gymeradwyaeth

Dyma un o gyfres o nodiadau cyfarwyddyd rheoli adeiladu sy'n anelu at esbonio gweithdrefnau'r rheoliadau adeiladu.

Gwneud Cais am Gymeradwyaeth

Arweiniad i'r Drefn Rhybudd am Adeiladu

Dyma'r symlaf o ddau ddull o rybuddio. Ni allwch ddefnyddio'r dull yma ar gyfer siopau, gwestai, tai gwely a brecwast, ffatrïoedd, safleoedd rheilffyrdd neu swyddfeydd. Os byddwch yn defnyddio'r dull yma, dylech ddilyn y pump cam yma

1. Cwblhewch y Ffurflen Cais am Gymeradwyaeth Rheoliadau Adeiladu, ticiwch y bocs i Rybudd am Adeiladu. Efallai y bydd angen cynlluniau eich cynigiad neu gyfrifiadau manwl yn ddiweddarach.
2. Penderfynwch ar ba ddyddiad y byddwch yn cychwyn ar y gwaith a gadewch i ni wybod.
3. Os bydd unrhyw broblemau'n codi, neu os bydd gennych unrhyw ymholiadau cysylltwch â ni i gael trafodaeth anffurfiol am eich cynigion drwy ffonio 01978 292050.
4. Darllenwch drwy'r nodiadau arweiniol amgaeëdig am ffïoedd i weithio allan faint fydd cost y rhybudd am adeiladu.
   Os byddwch yn gwneud y gwaith yma gyda chymorth Grant Adnewyddu Tai, efallai y bydd y Ffi Rhybuddio am Adeiladu wedi ei thynnu o'r grant cyn i chi ei dderbyn.
   
5. Anfonwch eich cais at: Gyngor Bwrdeistref Sirol Wrecsam, Yr Adran Rheoliadau Adeiladu, Stryt y Lampint, Blwch SP 1290, Wrecsam, LL11 1WL

RHESTR WIRIO - YDYCH CHI WEDI?

• Llenwi ac arwyddo'r Ffurflen Cais am Gymeradwyaeth Rheoliadau Adeiladu, ticiwch y bocs i Rybudd am Adeiladu?
• Cynnwys cynllun o'r safle, os ydi hyn yn berthnasol?
• Cynnwys y ffi gywir?

Arweiniad i'r Drefn Cynlluniau Llawn

Gallwch ddefnyddio'r math yma o rybudd ar gyfer pob math o adeilad. Os byddwch yn defnyddio'r dull yma, dylech ddilyn y pump cam syml yma.

1. Llunio cynlluniau i raddfa. Cynnwys manylebau llawn. Efallai y byddwch eisiau cyflogi pensaer neu dirfesurydd.
2. Llenwch y Ffurflen Cais am Gymeradwyaeth Rheoliadau Adeiladu, ticiwch y bocs i Gynlluniau Llawn.
3. Os bydd gennych unrhyw ymholiadau, neu os bydd unrhyw broblemau'n codi, cysylltwch â ni i gael trafodaeth anffurfiol am eich cynigion ar 01978 292050.
4. Darllenwch y nodiadau Arweiniad i Ffïoedd Cynllunio i weithio allan faint fydd cost y cynllun a chost yr archwiliad. Os byddwch yn gwneud y gwaith yma gyda chymorth Grant Adnewyddu Tai, efallai y bydd y Ffi Rhybuddio am Adeiladu wedi ei thynnu o'r grant cyn i chi ei dderbyn.
5. Anfonwch eich cais at:- Gyngor Bwrdeistref Sirol Wrecsam, Yr Adran Rheoliadau Adeiladu, Stryt y Lampint, Blwch SP 1290, Wrecsam, LL11 1WL.

RHESTR WIRIO - YDYCH CHI WEDI?

• Llenwi ac arwyddo'r Ffurflen Cais am Gymeradwyaeth Rheoliadau Adeiladu, ticiwch y bocs i Gynlluniau Llawn?
• Cynnwys y nifer gywir o gynlluniau?
• Cynnwys y ffi cynllunio gywir?

I gael mwy o wybodaeth cysylltwch â'r:

Prif Swyddog Cynllunio, Stryt y Lampint, Blwch SP 1290, Wrecsam, LL11 1WL.

Ebost: planning@wrexham.gov.uk
Ffôn: 01978 292050
Ffacs: 01978 292502

Mabwysiadwyd Hydref 2002.

Mae copi o ddaflen hon ar gael i'w lawr lwytho yn y ffurf ganlynol:

Mae copi o ddaflen hon ar gael i'w lawr lwytho yn y ffurf ganlynol - Fersiwn PDF 493Kb 

Mynegai Nodiadau Cyfarwyddyd Rheoli Adeiladu

Ffurflenni Cais

Mynegai Rheoli Adeiladu