Canllaw Cynllunio Lleol Rhif 16 - Safonau Parcio

Mae'r nodyn hwn yn diweddaru safonau parcio'r Cyngor a fu'n weithredol ers 1989. Bydd y nodyn yn ystyriaeth faterol wrth benderfynu pob cais cynllunio perthnasol. Diweddarwyd y safonau i adlewyrchu polisïau cynllunio defnydd tir a chludiant y llywodraeth a'r Cyngor.

Fe'u seiliwyd ar safonau diweddar awdurdodau lleol eraill sy'n rhannu'r un nodweddion â Wrecsam a'r safonau hynny yn yr Atodiad i ddrafft PPG13, Hydref 1999. Sefydlwyd y cyd-destun ar gyfer y safonau hyn gan Strategaeth Cludiant Integredig Wrecsam, Ionawr 1999 a'i chwaer ddogfen y Strategaeth Parcio a gymeradwywyd ar gyfer ymgynghori ym mis Rhagfyr 1999. Mae’r ddogfennau hyn rwan wedi’w mabwysiadu gan y Cyngor.

Mae'r cyd-destun hwn yn cynnwys:

• cydnabod bod argaeledd parcio yn dylanwadu'r dewis o ddull teithio;

• yr angen i leihau'r ddibyniaeth ar y car a hyrwyddo dulliau teithio amgen;

• gwneud y defnydd gorau o'r rhwydwaith cludiant presennol a'r adnoddau ar ei gyfer a'r

• angen i hyrwyddo adfywiad a buddsoddiad yn Wrecsam.
  

2. Safon y Ddarpariaeth

Dangosir y safonau yn ffigyrau A-D ac fe'u seilir ar Orchymyn Dosbarthiadau Defnydd 1987 (fel y'i diwygiwyd). Maent mewn grym trwy'r Fwrdeistref Sirol ac eithrio'r canlynol:

(i) Lle byddai gweithredu'r safonau hyn yn creu anawsterau diogelwch y ffordd neu dagfeydd bydd angen darpariaeth ychwanegol.

(ii) Gellir caniatáu amrywiadau yn unol ag amgylchiadau lleol sydd yn cynnwys: argaeledd parcio cyfagos a chludiant cyhoeddus. Mae polisïau cynllunio, sy'n ceisio cadw canol y dref a mannau eraill a ddynodwyd fel prif ganolfannau gweithgaredd datblygu yn y Fwrdeistref Sirol, hefyd yn ystyriaethau perthnasol. Y cwbl sydd ei angen o fewn ardal siopa canol y dref, fel ag y'i diffiniwyd yn y Cynllun Datblygu, yw parcio gweithredol, hynny yw ar gyfer gwasanaethu yn unig. Bydd angen taliadau gwahanol yn lle darpariaeth parcio. Anogir paratoi Cynlluniau Cludiant Gwyrdd sydd yn cynnwys pecyn o fesurau i leihau dibyniaeth ar y car a hyrwyddo cerdded, beicio a defnyddio cludiant cyhoeddus yn lle hynny.

(iii) Lle nad yw'r defnydd yn cael ei nodi yn Ffigwr A-D, defnyddir yr ystyriaethau a amlinellir yn (ii) uchod i benderfynu uchafswm anghenion parcio yn unol â'r defnydd tir dan sylw a'i botensial i greu traffig.

(iv) Ystyrir cynlluniau arloesol ar gyfer tai heb gar yn ôl eu haeddiant.

A

B

C

2 le beic ar gyfer pob lle car

D

3. Nodiadau Ychwanegol

Dylid nodi'r pwyntiau canlynol:

(i) Dyma uchafswm y safonau ar gyfer parcio ceir ym mhob categori defnydd tir. Lle ni roddir yr uchafswm mae'n rhaid i'r datblygwr ddangos graddfa teithiau i'r safle'n eglur a sut y diwellir y diffyg hwn os yw'r teithiau hyn yn fwy na'r ddarpariaeth parcio arfaethedig. Mae atebion posibl yn cynnwys Cynllun Teithio
a/neu ddarparu swm yn lle hynny ar gyfer gwasanaethau a ddarperir gan y Cyngor megis cyfraniad tuag at welliannau i feysydd parcio cyhoeddus (e.e. gwella goleuo neu ddiogelwch), adeiladu meysydd parcio ychwanegol neu wasanaeth Parcio a Theithio. Cyfrifir y swm o gost y tir ac adeiladu maes parcio.

(ii) Mae Canllaw Cynllunio Lleol Rhif 15 yn ymdrin â safonau parcio beiciau.

(iii) Parcio beiciau modur - mae'r safonau yn ychwanegol at y rhai ar gyfer beiciau, a dylid eu darparu mewn safleoedd sydd angen 25 neu fwy o leoedd parcio ceir ar raddfa o 1 i bob 25 lle parcio ceir.

(iv) Dylid talgrynnu i fyny ffracsiynau o leoedd parcio a gyfrifir o'r ffigyrau hyn.

(v) Bydd cyfrif darpariaeth parcio ar gyfer datblygiadau defnydd cymysg yn amrywio yn ôl math y defnydd arfaethedig. Mewn achosion lle bo defnydd cymysg yn gweithredu'r un pryd yn gyffredinol, cyfunir y lefelau sydd yn gymwys ar gyfer pob defnydd. Lle bo defnydd cymysg yn creu gofynion ar adegau gwahanol yn ystod y dydd, seilir darpariaeth lleoedd ar y math llywodraethol o ddatblygiadau ar y safle penodol hwnnw.

(vi) Er mwyn diwallu gofynion pobl ag anableddau corfforol, pobl ag anawsterau symudedd a'r rhai hynny gyda phlant bach, dylid darparu 10% o'r holl leoedd parcio i 'safon symudedd' (lleiafswm lled o 3.6 metr). Dylai o leiaf 60% y lleoedd hyn fod wedi eu harwyddo ar gyfer defnydd pobl anabl yn unig.

(vii) Mae Nodyn Cyfarwyddyd Cynllunio Lleol 5 yn ymdrin â safonau parcio ar gyfer Trosi Anheddau i Dai Amlbreswyl.

Mwy o wybodaeth a Safonau Parcio

Am fwy o wybodaeth neu gyngor cysylltwch â’r:

Prif Swyddog Cynllunio, Stryt y Lampint, Wrecsam, LL11 1ar

Ffôn: (01978) 292013
Ffacs: (01978) 292502

Tachwedd 2000,
Diwygiwyd Hydref 2005

Canllaw Cynllunio Lleol Rhif 16 - Safonau Parcio

Cliciwch ar y cyswllt isod i ddadlwytho copi or dogfen mewn fformat PDF.

Canllaw Rhif 16 - Safonau Parcio - fformat PDF 149kb

I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.

Gellir newid dogfennau Adobe Acrobat yn ôl i destun plaen trwy ddefnyddio'r Gwasanaeth Newid Abobe.

Mwy o wybodaeth a Safonau Parcio

5 - Addasu Eiddo Preswyl yn Dai Amlbreswyl

15 - Beicio

Mynegai Nodiadau Cyfarwyddiadau Cynllunio Lleol