Gwasanaethau A-Y

Fy Nghais Cynllunio

Cais Cynllunio Mae'r dudalen hon yn darparu gwybodaeth ynghylch pob un o gyfnodau prosesu eich cais.

Cam 1 - Cydnabyddiaeth

Byddwn yn cofrestru a chydnabod holl geisiadau cynllunio dilys o fewn 3 diwrnod gwaith o'u derbyn.
Os yw eich cais yn annilys neu'n anghyflawn, byddwn yn dweud wrthych o fewn 2 ddiwrnod gwaith ac yn rhoi cyfarwyddyd clir i chi ar y newidiadau sydd eu hangen.

Cam 2 - Hysbysiad ac Ymgynghoriad

Byddwn yn cyhoeddi'r holl geisiadau cynllunio drwy hysbysiad (lliw pinc) wedi ei bostio ger y safle a byddwn yn ysgrifennu at unrhyw eiddo cyfagos a allent gael eu heffeithio'n uniongyrchol.
Bydd yr hysbysiad safle a'r llythyr yn rhoi enw a rhif ffôn y swyddog achos a dyddiad cau ar gyfer derbyn sylwadau (21 diwrnod fel arfer).

Byddwn hefyd yn rhoi gwybod i'r Cynghorydd lleol ac yn anfon copi o'r cais i'r Cyngor Cymunedol.

Mae'r holl geisiadau cynllunio a chynlluniau ar gael i'w harchwilio gan y cyhoedd yn y Swyddfa Gynllunio.

Rydym yn gwarantu y bydd Swyddog Dyletswydd ar gael yn ystod ein horiau swyddfa i gynghori cwsmeriaid.

Lefel Gwasanaeth

Ymgymerwn i ddelio â cheisiadau cyn gynted ag y gallwn ac rydym wedi gosod targedau ar gyfer delio â 95% o geisiadau cartref a 70% o geisiadau'n gyffredinol o fewn 8 wythnos.

Cam 3 - Y Penderfyniad

Bydd unrhyw lythyrau neu negeseuon ebost o wrthwynebiad neu gefnogaeth yn cael eu cydnabod a'u hystyried yn ofalus cyn i'r Prif Swyddog Cynllunio wneud penderfyniad, yn dilyn yr argymhellion a wneir gan y Swyddog Achos.

Os nad ydym yn cytuno â'r pwyntiau a godir ac na allwn ddod i gytundeb, bydd y cais yn cael ei gyfeirio at Bwyllgor Cynllunio'r Cyngor am benderfyniad.

Bydd Hysbysiadau Penderfyniad yn cael eu cyhoeddi o fewn 2 ddiwrnod gwaith o'r penderfyniad a byddant yn datgan unrhyw amodau (a rhesymau) neu byddant yn rhoi rhesymau clir dros wrthod y cais. Mae manylion o unrhyw hawl apelio'n cael eu cynnwys hefyd.

Cam 4 - Pwyllgor Cynllunio

Gallwch fynd i gyfarfod y Pwyllgor Cynllunio os dymunwch.
Mae copïau o'r agenda ar gael i chi ei darllen.
Hefyd, ceir adroddiad byr atodol. Mae hwn yn nodi'r materion sydd wedi codi ers i'r agenda gael ei chyhoeddi.

Mae'r holl gynghorwyr y Cyngor ar y Pwyllgor, h.y.52 ohonynt. Mae dyletswydd ar Aelodau'r Pwyllgor i ystyried pob cais yn ôl ei deilyngdod ei hun, ond fel arfer byddant yn dilyn polisïau'r Cyngor sydd wedi cael eu gosod yn y Cynllun Datblygu a chanllawiau cynllunio eraill. Gall materion eraill sy'n berthnasol i'r penderfyniad gael eu hystyried hefyd.
Nid yw gweithdrefnau'r Pwyllgor yn caniatáu i'r cyhoedd na'r ymgeiswyr siarad yn y cyfarfodydd.

Mae adroddiad y swyddog yn nodi pob barn wahanol sydd wedi cael eu mynegi ynghylch y cais.

Y Agenda

Ceir cofnodion o'r pwyllgor blaenorol ar flaen yr agenda i'w cymeradwyo. Ni fyddant yn cael eu trafod.
Fel arfer, bydd adroddiadau byr ar sawl mater yn eu dilyn. Ystyrir bob adroddiad ar wahân.

Yr adroddiad ar geisiadau cynllunio yw rhan helaethaf yr agenda fel arfer.
- Byddaf yn mynd trwy'r adroddiad, tudalen ar y tro. Os na fydd sylwadau ar y ceisiadau wrth i'r tudalennau gael eu pasio, golyga hyn bod yr argymhelliad wedi cael ei dderbyn, a bydd y ceisiadau'n cael eu derbyn neu eu gwrthod.
- Os bydd cynghorydd yn dymuno siarad, mae'n bosibl y bydd hyn yn arwain at newid yr argymhelliad.
- Weithiau bydd y Pwyllgor yn penderfynu y dylai Is-bwyllgor ymweld â'r safle. Bydd hyn yn digwydd yn yr ychydig wythnosau nesaf a bydd penderfyniad terfynol yn cael ei wneud y mis nesaf.
Hefyd bydd rhai eitemau yn cael eu darparu er gwybodaeth yn unig. Mae'r rhain yn cynnwys y rhestr o ymgeiswyr annadleuol a benderfynwyd gan y Prif Swyddog Cynllunio.