Cynllun Datblygu Unedol Wrecsam

Mabwysiadwyd y Cynllun Datblygu Unedol 1996 - 2011 gan Gyngor Bwrdeistref Sirol Wrecsam ar 14 Chwefror 2005.

Mae yn disodli cynlluniau datblygiad a fabwysiadwyd hyd yma, sef Cynllun Lleol Wrecsam Maelor: Ymlaen i 2001, Cynllun Lleol Dosbarth Glyndwr, a Chynllun Fframwaith Clwyd : Newid Cyntaf.

Cysylltwch â Pholisi Cynllunio ar Ffôn: 01978 292013 am wybodaeth bellach.

Darllen Cynllun Datblygu Unedol Wrecsam

Lawr lwytho dogfennau CDU

Amserlen CDU Wrecsam

CDU Wrecsam: Crynodeb

Strategaeth Eang

Amlinelliad o Bolisïau Penodol

• Amgylchedd a Chadwraeth

• Tai

• Cyflogaeth

• Siopa

• Cyfleusterau Cymunedol, Hamdden a Thwristiaeth

• Cludiant

• Mwnau a Gwastraff

• Monitro a Gweithredu

Strategaeth Eang

Mae'r strategaeth gynllunio'n geisio cael datblygiad cynaliadwy i sicrhau gwell ansawdd bywyd i bawb, nawr ac yn y dyfodol. Mae'n ceisio cyfuno nodau economaidd, cymdeithasol ac amgylcheddol. Mae'r strategaeth yn ceisio sicrhau economi, effeithiolrwydd ac amwynder o ran defnyddio tir trwy dwf cyfyng sy'n briodol i raddfa a chymeriad aneddiadau, ynghyd ag adfywiad economaidd parhaus ac adferiad cymdeithasol ac amgylcheddol o ardaloedd trefol a diwydiannol hyn. Bodlonir anghenion tir mewn ffordd reoledig a graddol, sy'n cydbwyso materion datblygu a chadwraeth. Darperir digon o dir i gwrdd â gofynion rhagweladwy am gartrefi newydd, swyddi a chyfleusterau cymunedol, ayb.

Gwasgarir datblygiadau newydd yn briodol i raddfa a chymeriad aneddiadau yn amodol ar bolisïau cynllunio eraill ar dir amaethyddol, tir glas, ayb. Ni fwriedir ailadrodd yr estyniadau anghydymdeimladol mawr i bentrefi a ddigwyddodd yn y gorffennol. Gwneir y defnydd mwyaf o'r isadeiledd presennol tra'n lleihau cost unrhyw ddarpariaeth newydd. Mae cyfyngiadau cyfredol yn cael eu parchu.

Cyfeirir datblygiadau newydd i aneddiadau cyfredol a mannau cyflogaeth, yn bennaf yn Wrecsam a phentrefi trefol y gorllewin, lle gellir ailddefnyddio tir gwag yn economaidd, lle mae lle yn yr isadeiledd a chyfleusterau presennol, lle ceir mynediad i ystod o gysylltiadau cludiant cyhoeddus. Felly, defnyddir adnoddau tir yn effeithiol a defnyddir adnoddau presennol yn economaidd ar yr un pryd a gall datblygiadau roi budd ychwanegol drwy welliannau amgylcheddol, diogelu cefn gwlad a phentrefi gwledig rhag datblygiadau amhriodol a thrwy leihau teithiau car trwy batrwm cyfun o ddefnyddio tir a chludiant.

Amlinelliad o Bolisïau Penodol

Amgylchedd a Chadwraeth

Mae'r Cynllun yn cydnabod bod yr amgylchedd lleol yn un o adnoddau gorau'r Fwrdeistref Sirol, yn rhywbeth hanfodol yn ansawdd bywyd trigolion ac wrth ddatblygu mentrau cyflogaeth lleol yn llwyddiannus. Yn unol â hyn, mae polisïau'n ceisio cywiro'r difrod a wnaed yn y gorffennol, atal dirywiad pellach a chadw a gwella'r mannau agored hynny, bioamrywiaeth, tirwedd a threflun sy'n ffurfio rhan bwysig o'r dreftadaeth leol, ei hamrywiaeth ac ansawdd bywyd ei thrigolion.

Egwyddorion Datblygu Cyffredinol

Set o ofynion cyffredinol yw'r Egwyddorion Datblygu Cyffredinol y dylai bob cynnig o ddatblygiad eu bodloni. Mae'r polisi, wrth osod allan yr egwyddorion cyffredinol yn amlygu pwysigrwydd yr amgylchedd ffisegol, rheoli traffig a chadwraeth yr amgylchedd naturiol. Dim ond trwy osod safonau hyblyg ond sensitif yn ymwneud â'r materion hyn gellir llwyddo cael cynlluniau o ansawdd. Mae'r nodiadau canllaw cynllunio lleol yn darparu'r manylion atodol i ychwanegu at yr egwyddorion datblygu cyffredinol, er mwyn hybu datblygiadau a chynllunio trefol o safon uchel.

Tai

Caniateir ar gyfer datblygu oddeutu 5640 annedd newydd rhwng 1996-2011 i gwrdd â gofynion tai rhagweladwy yn seiliedig ar asesiad o boblogaeth a chartrefi, cyfraddau cwblhau tai diweddar, gallu corfforol ac amgylcheddol yr anheddiad i ymdopi â thwf ac ymroddiadau cyfredol. Mae polisïau'n ceisio sicrhau bod tai newydd yn cydweddu datblygiadau cyfredol ac yn cyfuno'n dda gyda'r patrwm presennol o aneddiadau a thir cyfagos. Mae'r datblygiadau hyn yn cyfrannu at ddefnydd economaidd o'r tir, yn atal straen ar safleoedd tir glas/gwledig ac yn cyfrannu at adfywiad trefol. Rhoddwyd ystyriaeth lawn i farchnata, gwasanaethau a chyfyngiadau perchnogaeth wrth ddiffinio tir ar gyfer tai.

Cyflogaeth

Bydd oddeutu 300 hectar o dir cyflogaeth ar gael rhwng 1996-2011 i gwrdd â gofynion cyflogaeth y dyfodol. Mae polisïau'n nodi safleoedd hygyrch a mathau o gyflogaeth sy'n unol â'r patrwm presennol i ddiwallu datblygiad economaidd cynaliadwy. Wrth wneud tir ar gael, ystyriwyd yr angen am ddiogelu tir amaethyddol o ansawdd uchel a thirwedd a hybu adfywiad trefol.

Siopa

Gwelwyd sawl datblygiad masnach mawr yn ac ar ymylon canol tref Wrecsam ac ymylon sir Wrecsam yn y 1990au. Cafwyd ychwanegiadau sylweddol i le llawr ar gyfer nwyddau wrth adleoli ac estyn siopau Asda a Tesco. Yn dilyn astudiaeth yn ddiweddar, mabwysiadwyd strategaeth masnach yn unol â pholisi'r Llywodraeth i gynnal a gwella canol tref Wrecsam a chanolfannau rhanbarthol eraill a cheisio gwelliant mewn mapio lleol. Hyd at 2006, mae polisïau'n cyfyngu datblygiadau siopa newydd. Bydd y gofyniad am le llawr 13800 m sg ar gyfer nwyddau'n cael ei gyfeirio i ganol y dref neu i ymylon canol y dref, os nad oes cyfleoedd priodol ar gael yng nghanol y dref. Byddwn yn gwrthod unrhyw ddatblygiadau sy'n gwanhau ffyniant neu dichonoldeb canol tref Wrecsam.

Cyfleusterau Cymunedol, Hamdden a Thwristiaeth

Mae cyfleusterau cymunedol, hamdden a thwristiaeth yn rhan werthfawr o hunaniaeth gymunedol, yn cyfrannu at leoliad tai newydd ac yn helpu i gynnal swyddi cyfredol a chreu refeniw newydd. Mae polisïau'n ceisio cadw a/neu wella'r cyfleusterau hyn.

Cludiant

Mae'r Cynllun yn ceisio cyfuno'r rhwydwaith cludiant ag ardaloedd o ddatblygiad er mwyn sicrhau amgylchedd o ansawdd uchel ac economi llwyddiannus. Mae polisïau'n hybu defnyddio cludiant cyhoeddus a cherdded/beicio yn lle defnyddio'r car tra'n cydnabod bod angen nifer gyfyng o welliannau i ffyrdd allweddol er mwyn cynyddu hygyrchedd, darparu gwell amgylchedd i aneddiadau, cefnogi denu diwydiant newydd ac am resymau diogelwch y ffyrdd.

Mwnau a Gwastraff

Mae'r Cynllun yn cydnabod bod cloddio am fwnau yn cyfrannu'n sylweddol i'r economïau lleol a rhanbarthol ond bod y cloddio'n gallu effeithio amodau byw pobl leol ac effeithio'r tirlun yn barhaol. Mae polisïau'n rheoli unrhyw gloddio pellach am fwnau. O ran rheoli gwastraff, mae polisïau'n ceisio lleihau effaith amgylcheddol y gwaith hwn trwy leihau gwastraff, ailddefnyddio, adfer a chael gwared ar wastraff yn agos i'w ffynhonnell.

Monitro a Gweithredu

Mae cyflawni darpariaethau'r Cynllun yn gofyn am benderfyniadau buddsoddiad ar sawl lefel dros sawl blwyddyn gan nifer o asiantaethau ac unigolion. Disgwylir y bydd buddsoddiad preifat yn chwarae prif rôl mewn gweithredu strategaeth ddatblygu'r Cynllun dan arweiniad cynlluniau defnydd tir y Cyngor, rheoli datblygiad a phwerau statudol corfforedig. Defnyddir dangosyddion datblygu tir a diogelu/gwella tir i fesur llwyddiant y Cynllun.

Cysylltwch â: Pholisi Cynllunio, Adran Cynllunio, Stryt y Lampint, Wrecsam, LL11 1WL. Ffôn: 01978 292013.
Ffacs: 01978 292502. E-bost: planning@wrexham.gov.uk

Canllawiau Pris Cynlluniau Datblygu

Polisi Cynllunio

Canllawiau Cynllunio Atodol