Gwasanaethau A-Y

Gweinyddiaeth Cynllunio

Un o brif amcanion yr Is-Adran yw darparu cefnogaeth weinyddol effeithiol ac effeithlon i’r Adran Gynllunio a darparu gwasanaeth i gwsmeriaid sy’n gyson ag ymrwymiad y Cyngor i ofalu am ei gwsmeriaid.

Ein blaenoriaeth yw darparu gwasanaeth derbynfa croesawgar ac effeithiol i aelodau’r cyhoedd sy’n ymweld â’r Adran drwy sicrhau eu bod yn derbyn yr holl wybodaeth a’r cymorth sydd eu hangen arnynt.

Ymrwymiad

Cefnogi gwaith yr isadrannau eraill drwy ddarparu systemau gweinyddol effeithiol.
Sicrhau bod y swyddog achos yn derbyn ffeiliau cais cynllunio o fewn 2 ddiwrnod gwaith o dderbyn cais dilys a sicrhau y cyhoeddir hysbysiadau o benderfyniadau o fewn 24 awr o’r penderfyniad perthnasol.
Darparu gwybodaeth berthnasol am eiddo i Is-Adran Pridiannau Tir y Cyngor.

Prosesu Cais Cynllunio

Dilysu a mewnosod gwybodaeth gynllunio ar y system gyfrifiadurol (dydd 1af)
Cydnabod derbyn y wybodaeth a chynhyrchu’r holl hysbysiadau safle a llythyrau ymgynghori (2il ddiwrnod)
Anfon y ffeil at Swyddogion Rheoli Datblygiad i brosesu a phenderfynu (2il ddiwrnod)
Cyflawni unrhyw hysbysiadau neu ymgynghoriadau ychwanegol
Paratoi Adroddiadau Pwyllgor ar gyfer aelodau o Banel Cynllunio’r Cyngor
Anfon Tystysgrif o Benderfyniad at yr Ymgeisydd neu Asiant.

Cofrestr Statudol

Gall aelodau’r cyhoedd weld cofrestr o holl geisiadau cynllunio o fewn y Fwrdeistref Sirol. Ers Ebrill 1996, cedwir y gofrestr hon ar gyfrifiadur. Gellir hefyd cael mynediad i fanylion o geisiadau cynllunio blaenorol a phresennol y mae’n bosibl eu bod o ddiddordeb.

Yn ogystal â cheisiadau cynllunio, mae’r system gyfrifiadurol yn dangos gwybodaeth arall a all fod yn berthnasol i rywun sy’n ystyried datblygiad. Dangosir rhestr lawn isod:

Ceisiadau Cynllunio
Cais Rheoliadau Adeiladu
Eiddo a Gynorthwyir gan Grant
Ardaloedd Adfywio Tai
Ardaloedd Cadwraeth a Chyfarwyddiadau Adran 4
Adeiladau Rhestredig
Gorchmynion Diogelu Coed
Safleoedd Bywyd Gwyllt
Safleoedd o Ddiddordeb Gwyddonol Arbennig
Ardaloedd Anheddu
Prif Bibau Nwy
Cyrff Ymgynghori (Dyfrffyrdd Prydeinig, Gweithrediaeth Iechyd a Diogelwch, Asiantaeth yr Amgylchedd a’r Bwrdd Glo)

Cyfleuster Chwilio am Geisiadau Cynllunio Ar Lein.

Taflenni Cyfarwyddyd

Mae cyfres o lyfrynnau a thaflenni sy’n cynnwys ystod eang o bynciau ar gael yn y dderbynfa ar gyfer y cyhoedd. Mae’r pynciau’n cynnwys Rheoli Adeiladau a Chynllunio.

Eu hamcan yw rhoi cyngor a chyfarwyddyd i’r cyhoedd am y meini prawf a ddefnyddir i benderfynu ceisiadau fel y gellir rhagweld unrhyw broblemau cyn i gyflwyniad ffurfiol am gymeradwyaeth gael ei dderbyn gan yr Adran Gynllunio.

Gellir gweld rhestr gyflawn isod.

Cynllunio - Canllaw i Gartrefi
Cyfeirlyfr i Fusnesau Bach a Chartrefi
Cynllunio - Safonau Siartr
Hysbysebion ac Arwyddion Tu Allan
Lle o Amgylch Adeiladau Preswyl

Ewch i Nodiadau Cyfarwyddiadau Cynllunio Lleol>>

Ffurflenni Cais

Mae ffurflenni dwyieithog ar gael ar gais ar gyfer pob math o geisiadau Cynllunio a Rheoli Adeiladau.

Ewch i Ffurfleni Cais >>

Mapiau Ordnans

Mae’r Adran Gynllunio’n cymryd rhan yn y Cynllun Cynllunio a Rheoli Adeiladau lle gellir cael copïau papur o ddarnau o fapiau i gyd-fynd â chyflwyniadau i’r Adran Gynllunio.

Mae’r Is-Adran yn gweinyddu’r Cynllun ar ran yr Arolwg Ordnans.

Ble alla'i gael map?>>

Cysylltwch â: Adran Cynllunio, Stryt y Lampint, Wrecsam, LL11 1WL. Ffôn: (01978) 292016.
Ffacs: 01978 292502. E-bost: planning@wrexham.gov.uk

Rheoli Cynllunio

Mynegai Cynllunio

| Rhannu

yn ôl i'r brig