Siarter Barcio y Cyngor

Mae’r rhan hon yn amlinellu’r ymrwymiad y mae Cyngor Wrecsam yn ei wneud ar gyfer darparu gwasanaeth parcio o ansawdd ym Mwrdeistref Sirol Wrecsam.  Mae’r Cyngor yn awyddus i sicrhau bod ei ddulliau gorfodi yn deg ac yn gyson ac o’r safon uchaf o ran eu gweithredu.  Er mwyn gwneud hynny mae’r Cyngor wedi datblygu’r Siarter Barcio a ganlyn:

Ansawdd

• Swyddog Gorfodaeth Sifil i roi Rhybuddion Talu Cosb o ansawdd yn y lle cyntaf.
• Ymateb yn gyflym i heriau Rhybuddion Talu Cosb tra’n ystyried yr holl sylwadau a godwyd gan yr apeliwr.
• Cyflwyno systemau a gweithdrefnau gwell er mwyn gwneud rhyngweithio â gwasanaeth parcio’r Cyngor yn haws i bob defnyddiwr.
• Ymdrin ag aelodau o’r cyhoedd yn gwrtais ac mewn dull proffesiynol bob amser.

Cadarn

• Ymdrin â phob Rhybudd Talu Cosb i sicrhau bod yr holl ddyledion sydd yn ddyledus i’r Cyngor yn cael eu casglu.
• Rhoi cefnogaeth ac amddiffyniad go iawn i Swyddog Gorfodaeth Sifil y Cyngor yn erbyn unrhyw gamdriniaeth a thrais.

Teg

• Ymdrin â phob Rhybudd Talu Cosb yn unigol ac yn ôl ei haeddiant neilltuol.
• Monitro ac amnewid unrhyw arwyddion neu linellau anghywir ar ffyrdd er mwyn sicrhau bod y wybodaeth yn glir ac yn ddealladwy i ddefnyddwyr y ffordd.
• Sicrhau bod camau gorfodi cyson yn cael eu gweithredu trwy gydol yr amser ym mhob lleoliad.