Goleuadau Stryd a Chelfi Goleuedig ar y Stryd

Archwiliadau gyda'r nos

Caiff goleuadau'r stryd a chelfi goleuedig ar y stryd eu harchwilio gyda'r nos bob 14 diwrnod.

Mae'r eitemau y cânt eu gwirio yn ystod archwiliadau gyda'r nos yn cynnwys:

• Lampau sy'n dywyll
• Lampau nad ydynt wedi goleuo'n gyfan gwbl
• Lampau sy'n fflachio
• Llusernau sydd wedi'u troi
• Llusernau sydd wedi'u cuddio gan ddeiliant
• Powlenni llusernau sy'n hongian, ar goll neu wedi'u difrodi'n ddifrifol
• Rhif adnabod yr uned ar goll
• Drws y golofn ar goll
• Braced wedi'i gamlinellu
• Y golofn yn goleddu

Cynnal a chadw rheolaidd

Cynhelir gwaith cynnal a chadw rheolaidd yn flynyddol yn seiliedig ar 12 maes, gan ymdrin â thua 3 maes neu 25% o'r stoc goleuadau bob chwarter. Cynhwysir y canlynol:

• Glanhau pob lamp, adlewyrchydd a chydrannau eraill sy'n effeithio ar berfformiad gweledol
• Iro pob togl, nyten adeiniog, colfach, clo drws ac ati
• Tynhau bob sgriw bengoll a nyten adeiniog
• Archwilio ar gyfer difrod arwynebol, cyrydiad, torri a hollti (colofnau concrit), dirywiad ceblau gan adrodd yn ôl ar eu cyflwr.
• Archwilio pob terfyniad trydanol i weld a oes arwyddion o gyrydiad neu anwedd, gan lanhau ac iro fel bo angen.
• Gwirio eitemau trydanol a'u trwsio lle y bo'n briodol.
• Gwirio math a chyfraddiad ffiwsiau.
• Gwirio bod y P.E.C.U neu ddyfeisiau switsio eraill yn cael eu defnyddio'n gywir
• Newid clociau i'r amser cywir lle nad yw celloedd ffoto-electrig wedi'u gosod.

Gwaith cynnal a chadw arall

Cynhelir gwaith cynnal a chadw nad yw'n rheolaidd fel a gyfarwyddwyd ac a gytunwyd o fewn yr amseroedd ymateb a osodir isod.

Mae'n ofynnol i gontractwyr goleuadau stryd gyflwyno adroddiadau wythnosol sy'n rhoi manylion unrhyw ddiffyg a ganfodwyd neu y cawsant wybod amdano, y weithred a gymerwyd a'r deunyddiau a ddefnyddiwyd. Yn ogystal â hyn, caiff pob golau neu arwydd nad yw'n oleuedig ar adeg yr archwiliad eu nodi gan y contractwr bob wythnos, a'r rhesymau pam nad oeddent yn oleuedig neu'n parhau heb eu goleuo, os yw'r rhesymau hynny'n hysbys.

Newid lampau fesul llwyth

Caiff lampau eu newid fesul llwyth ar brif lwybrau ac yng nghanol y dref bob tair blynedd.

Ailbaentio

Caiff colofnau paentiedig a ffitiadau cysylltiedig eu hailbaentio bob 10 mlynedd.

Galw allan mewn argyfwng

Bydd angen gweithred brys ar y canlynol:

• Difrod i gelfi'r ffordd yn dilyn trawiad
• Difrod i gebl dan ddaear
• Difrod i geblau uwchben
• Gwaith metel sydd wedi'i ddadorchuddio
• Drysau ar goll
• Llusern neu fowlen yn hongian
• Colofn neu bostyn yn siglo yn y gwynt

Amseroedd Ymateb

Mae'r amseroedd ymateb canlynol yn gymwys:

Diffygion a chanfyddir yn ystod archwiliadau gyda'r nos	7 diwrnod olynol neu'r Adran Goleuadau Stryd yn derbyn cyngor gan y contractwr o fewn 24 awr pellach ynghylch pam bydd yr atgyweiriad yn cymryd mwy o amser
Diffygion y bydd yr is-adran cynnal a chadw priffyrdd yn rhoi gwybod i'r contracwyr amdanynt	2 ddiwrnod gwaith neu'r Adran Goleuadau Stryd yn derbyn cyngor gan y contractwr o fewn 24 awr pellach ynghylch pam bydd yr atgyweiriad yn cymryd mwy o amser
Diffyg brys	1 diwrnod gwait h
Galwadau allan brys	2 awr
Diffygion i'r systme gyflenwi sy'n effeithio ar gyfarpar	Hysbysir y Cwmni Cyflenwi o fewn 24 awr
Rheolaidd (cynnal a chadw cylchol)	90 diwrnod o'r rhaglen cytunedig
Ailosod offer a ddifrodwyd	5 diwrnod gwaith
Gosod, paentio a newid lampau fesul llwyth	20 diwrnod gwaith
Dychwelyd gwaith papur	1 diwrnod gwaith o gwblhau'r gwaith

Profi Strwythurol ac Archwilio Colofnau

Caiff colofnau eu profi'n strwythurol bob 12 mlynedd.

Archwilio a phrofi trydanol

Cynhelir profion trydanol bob chwe mlynedd yn unol â Phennod 73 BS 7671: Gofynion ar gyfer Gosod Trydan.

Cedwir cofnodion am ddeuddeng mlynedd.

Gallai profion trydanol gynnwys:

• Didoriant dargludyddion amddiffynol
• Gwrthiant yr ynysydd
• Polaredd
• Rhwystiant dolen-dyffygion daearol
• Gwrthiant electrod daearol
• Gweithrediad dyfais cerrynt gweddilliol