Y Pethe

Y Pethe

Beth bynnag fo'ch diddordebau, boed yn ddrama neu'n ddawns, yn ganu neu'n yfed, mae gan Wrecsam y cyfan ar eich cyfer.

Cynhelir amrywiaeth o Gelfyddydau Perfformiadol yn Neuadd William Aston ar gampws NEWI. Mae Cerddorfa Genedlaethol Gymreig y BBC, Cerddorfa’r Hallé, Cerddorfa Ffilharmonig Lerpwl a Cherddorfa Opera Cenedlaethol Cymru i gyd yn perfformio’n rheolaidd yn y lleoliad enwog hwn.

Gellir mwynhau dawns a drama yn Theatr Stiwdio Coleg Iâl, Wrecsam, ac mae ‘Theatr Fach’ Parc y Llwyni yn gartref i gwmni drama amatur llewyrchus.

Cynhelir llu o ddigwyddiadau cerddorol a theatraidd yn Neuadd Goffa Wrecsam, gan gynnwys dawnsio neuadd, sioeau talent a sioeau i blant, ffeiriau crefft ac arddangosfeydd.

Mae gan Wrecsam ddewis eang o fariau, tafarndai a chlybiau yn ogystal â Mecca Bingo hynod o boblogaidd a sinema multiplex newydd sy’n dangos y ffilmiau diweddaraf. Mae bandiau enwog yn perfformio’n rheolaidd yn Yales Café Bar, sydd hefyd yn lleoliad ar gyfer nosweithiau comedi rheolaidd. Mae hefyd sawl tafarn a bwyty o safon ledled y Fwrdeistref Sirol.

I gael cip o hanes cymdeithasol a diwydiannol y rhanbarth, pam na wnewch chi ymweld ag amgueddfa diddorol Wrecsam. Mae gan Amgueddfa Bwrdeistref Sirol Wrecsam, a leolir yng nghyn farics y milisia, gasgliadau eang gan gynnwys Casgliad Pêl-droed Cymru, ac mae’n cynnal arddangosfeydd arbennig a digwyddiadau drwy gydol y flwyddyn. Mae Canolfan Treftadaeth a Gwaith Haearn y Bers, a Phyllau Plwm y Mwynglawdd yn rhoi cipolwg o dreftadaeth ddiwydiannol Dyffryn Clywedog, gan gynnwys y diwydiannau haearn, dur, plwm a glo hanesyddol.

Mae Castell y Waun ac Erddig, dau eiddo mawr yr Ymddiriedolaeth Genedlaethol, yn y Fwrdeistref Sirol hefyd, ar gyfer y rhai hynny sy’n dymuno archwilio agweddau hanesyddol.

Mae Cymru’n enwog am ei gorau meibion ac mae Wrecsam yn gartref i bedwar o’r rhai gorau, Brymbo, Froncysyllte, y Rhos a Chôr Orffews y Rhos. Mae croeso i ymwelwyr fel arfer fynychu ymarferiadau a chael y profiad unigryw a chyffrous o wrando ar gôr Cymreig go iawn.

Mae’r traddodiad Cymreig yn cael ei hyrwyddo drwy gyn Sefydliad y Glowyr yn Rhosllannerchrugog – Y Stiwt, sy’n cynnal amrywiaeth eang o ddigwyddiadau theatr a cherddorol.

Mae Canolfan Gelf Wrecsam, Oriel Goffa Iâl ac Oriel 103 yn NEWI yn cynnal arddangosfeydd drwy gydol y flwyddyn gan gynnig yr hyn sydd orau o gelf a chrefft weledol yng Nghymru.

Cynhaliwyd Eisteddfod Genedlaethol Cymru yn Wrecsam sawl gwaith – Bu’r Brifwyl yn Wrecsam am y tro cyntaf yn 1820.

Mae Wrecsam yn gartref hefyd i’r Grwp Radio Sain y Gororau, sy’n gwasanaethu Gogledd Cymru a rhannau o Sir Gaer a Sir Amwythig gyda stiwdios recordio o safon uchel ar gyfer cerddoriaeth.

Mae canolfan y BBC yng Nghanolfan Gelf Wrecsam, sy’n gartref i ganolfan ‘galw heibio’ gyntaf y BBC yng Nghymru.

Mae gan Wrecsam gysylltiad arbennig â Markischer Kreis (Sir Mark) yn yr Almaen. Sefydlwyd y berthynas gefeillio hon yn 1970 a bu’n llwyddiant diamheuol. Mae oddeutu 30,000 wedi cymryd rhan mewn cyfnewidiadau fel rhan o’r bartneriaeth sydd wedi ennill ‘baneri anrhydedd’ ddwywaith gan Gyngor Ewrop.

Cysylltiadau perthnasol:

Beth Sy'n Digwydd | Canolfan Gelf Wrecsam | Taith Wrecsam