Am Gwasanaeth Gwybodaeth i Deuluoedd Wrecsam

Gwybodaeth, cyngor a chymorth am ddim ar gyfer:

• Rhieni a gofalwyr plant a phobl ifanc rhwng 0 ac 19 oed
• Lleoliadau gofal plant a’u gweithluoedd
• Cyflogwyr a gweithwyr
• Gweithwyr iechyd, addysg a gofal cymdeithasol proffesiynol sy'n gweithio gyda theuluoedd
• Sefydliadau ac asiantaethau sy’n cefnogi rhieni a theuluoedd
  

Gofynnwch i ni am:

• Gofal plant a chostau gofal plant
• Pethau i'w gwneud ym Mwrdeistref Sirol Wrecsam
• Iechyd plant
• Datblygiad ac ymddygiad plant
• Cydbwysedd Bywyd Gwaith
• Addysg
• Bwydo ar y Fron
• Hyfforddiant poti
• Diogelwch plant
• Bwlio
• Camddefnyddio cyffuriau ac alcohol
• a llawer mwy
  

Mae cyngor a chymorth cyfeillgar ar gael i helpu:

• rhieni di-waith i oresgyn y rhwystrau y maent yn eu hwynebu pan fyddant am ddysgu sgiliau newydd neu ddychwelyd i'r gwaith;
• rhieni i ddod o hyd i hyfforddiant neu waith, gofal plant, cyllid ar gyfer hyfforddiant, gofal plant, teithio neu offer;
• rhieni sy’n gweithio a'u cyflogwyr i gael gafael ar wybodaeth ynglŷn â gwasanaethau a hawliau sydd ar gael iddynt;
• rhieni i gael mynediad at y gwasanaethau y maent eu hangen;
• rhieni ifanc (pobl ifanc 14-25 oed) gyda sgiliau personol, ymarferol a rhianta;
• rhieni plant anabl a phlant ag anghenion penodol i gael gafael ar wasanaethau.
  

Cyngor Bwrdeistref Sirol Wrecsam Asesiad o Ddigonolrwydd Gofal Plant 2017 - 2022

Mae gan Gyngor Bwrdeistref Sirol Wrecsam ddyletswydd statudol o dan Ddeddf Gofal Plant 2006 i sicrhau cyn belled ag y bo’n rhesymol ymarferol, ofal plant digonol ar gyfer plant rhwng 0 a 15 oed (a rhwng 15 a 17 oed yn achos plant anabl) i fodloni gofynion rhieni/gofalwyr sy'n gweithio, neu rieni/gofalwyr sy'n ymgymryd ag addysg neu hyfforddiant a fydd yn arwain at waith.

Yn ganolog i’r ddyletswydd hon mae’r angen i gwblhau Asesiad O Ddigonolrwydd Gofal Plant (ADdGP) bob pum mlynedd, sy'n asesu’r ddarpariaeth, a’r galw am ofal plant yn ardal yr awdurdod lleol ac yn nodi bylchau yn y ddarpariaeth.  Mae argymhellion o’r ADdGP ac adolygiadau blynyddol dilynol yn cael eu defnyddio i ddatblygu cynllun gweithredu, sy’n nodi’r camau gweithredu y bydd yr awdurdod lleol a'i bartneriaid yn eu cymryd er mwyn cyflawni eu goblygiadau o ran rheoli marchnad.  Amcan yr ADdGP yw nodi bylchau yn y ddarpariaeth gofal plant a nodi camau gweithredu er mwyn lleihau'r bylchau hyn gan symud tuag at sefyllfa o 'ddigonolrwydd' ar draws y Fwrdeistref Sirol.