Parc Gwledig Ty Mawr

Mae Ty Mawr yn cynnig holl hwyl y fferm yng ngolygfeydd anhygoel dyffryn Dyfrdwy. Gellwch gwrdd â llawer o anifeiliaid yn Nhy Mawr, megis mulod, moch a geifr. Gellwch hyd yn oed fwydo ein hieir buarth a'n hwyaid neu edmygu Lawrence y lama, sy'n amddiffyn ein defaid rhag llwynogod!

Nid ydym yn defnyddio cemegau na phlaladdwyr ar y tir yn Nhy Mawr. Dyma pam bo gennym rywogaethau lu o blanhigion gwyllt ac anifeiliaid a pham bo'r dolydd gwair traddodiadol yn llawn lliw yn yr haf. Beth am grwydro ar hyd yr afon, eistedd ac ymlacio i weld a ellwch weld eog yn neidio?!

Lleolir Ty Mawr mewn safle darluniaidd islaw traphont ddramatig Cefn Mawr ac ar lannau afon Dyfrdwy, ac mae'n darparu rhai o olygfeydd gorau'r ardal.

Teithiau Cerdded Iach

Beth am fynd am dro ar hyd lan yr afon i draphont ddwr Pontcysyllte, ar hyd Llwybr Treftadaeth Cefn neu ymuno â Llwybr Cenedlaethol Clawdd Offa?

Sut i gyrraedd y parc

Mae'n hawdd dod o hyd i'r parc a leolir pum milltir i'r de o Wrecsam ym mhentref Cefn Mawr. Wedi'i arwyddo fel 'Parc Gwledig' ger cyffordd Llangollen/Rhiwabon ar yr A483, dilynwch yr arwyddion brown a gwyn i'r parc.

Oriau agor

Mae'r parc ar agor trwy gydol y flwyddyn.

Mae'r Ganolfan Ymwelwyr ar agor:

Pasg i fis Medi - bob dydd rhwng 10.30am a 4.30pm
Mis Hydref i'r Pasg – ar benwythnosau'n unig.

Cyfleusterau

• Maes parcio
• Llwybrau ag arwyneb sydd â rhai llethrau
• Grwpiau ysgol trwy drefnu ymlaen llaw
• Toiledau (ar gyfer pobl anabl hefyd)
• Sgyrsiau/teithiau tywysedig trwy drefnu apwyntiad
• Addas ar gyfer grwpiau ar fws

Cysylltwch â

Parc Gwledig Ty Mawr
Lôn Cae Gwilym
Cefn Mawr
Wrecsam
LL14 3PT

Ffôn: 01978 822780
Ebost: countryparks@wrexham.gov.uk